Popular Bible Verses from Eks 2

Share

Esezwile ukububula kwabo, uNkulunkulu wakhumbula isivumelwano sakhe loAbrahama loIsaka loJakobe. UNkulunkulu wabona abakoIsrayeli, wabakhumbula.

Kwathi sekudlule insuku ezinengi, inkosi yaseGibithe yafa. AbakoIsrayeli babubula ngenxa yobugqili babo, bakhala; uNkulunkulu wezwa ukukhala kwabo ngobugqili babo.

Umntwana esekhulile, wamusa endodakazini kaFaro, waba yindodana yayo. Yamutha ibizo yathi nguMose, ngoba yathi: Ngamkhupha emanzini.

Indodakazi kaFaro yathi kuye: Mthathe lumntwana, ungimunyisele yena; ngizakukunika isondlo. Owesifazana wamthatha umntwana, wammunyisa.

Kwasekusehla indodakazi kaFaro ukuzageza emfuleni; amantombazana ayo ahamba eceleni komfula. Isibonile isitsha emihlangeni, yathuma incekukazi yayo ukusithatha.

Ngolunye usuku, uMose esekhulile, waphuma waya kubafowabo, wabona imithwalo yabo; futhi wabona umGibithe etshaya umHeberu, omunye wabafowabo. Wathalaza ngapha langapha; esebonile ukuthi kakulamuntu, wambulala umGibithe, wafihla isidumbu etshebetshebeni.