Popular Bible Verses from Eks 15

Share

yathi: Uba lilalela ilizwi leNkosi uNkulunkulu wenu ngenhliziyo yenu yonke, lenze okulungileyo emehlweni ayo, lilalele imilayo yayo, ligcine zonke izimiso zayo, kangiyikwehlisela phezu kwenu lasinye sezifo engazehlisela phezu kwamaGibithe; ngoba ngiyiNkosi eliphilisayo.

INkosi ingamandla ami lehubo lami, iyikusiliswa kwami. InguNkulunkulu wami, ngizakuyidumisa, loNkulunkulu kababa, ngizakuyiphakamisa.

Ngubani onjengawe, Nkosi, phakathi kwabonkulunkulu na? Ngubani onjengawe olobukhosi ngobungcwele, owesabekayo ngezenzo ezinkulu, owenza izimangaliso na?

Ngomusa wakho ubaholile abantu obahlengileyo, ngamandla akho wabaholela endaweni yakho engcwele.

Kwathi lapho befika eMara babengelakuwanatha amanzi aseMara ngoba ayebaba; ngakhoke indawo yathiwa yiMara. Abantu bamsola uMose besithi: Sizakunathani? Wakhala eNkosini. INkosi yamtshengisa isihlahla; kwathi esesiphosele emanzini, amanzi aba mnandi. INkosi yabamisela khona isimiso lomthetho, yabalinga