Popular Bible Verses from Apocalipse 5

Share

Akaemo âzeguhoam ityby modo igâky keankâ mâkâ Kordeiruram. Tâjigâky iwelogue igâtudylymo: — Âmâ lelâ pape sakâjihobyry sakâjigueim, ituwymby ituwyngueim warâ kehobyry. Âmâlâma kruz wâgâ igueypy, âunu iapânibyry warâ. Idânârâ kehoem kurâdo onro anano modo Deus eynynonroem mânhetoem myakâwâm âiguely.

Ago kehoem keankâ aguelymo: — Kordeiru âmâ. Saguhoem kordeiru tâdyoze kâinane, inakanhe tadawyly xygakehoem; arâ lâpylâ akâwâm âiguely, inakanhe tâjito xygakeze. Pymâ ton-honreim âmâ. Idânârâ tâlânro modo sodo âmâ. Idânârâ tutuze âmâ. Âdylâ aiese ton-honre âmâ Tynrenseim âmâ. Koendonro lelâlâ âmâ Aunlolâ koendâ mawyly wâgâ xina aguely. Alâ idânârâ âwâgâ anyguemo — kelymo keankâ.

Âynynonroem akaemo. Âmâ iwymârymo warâ. Âmâ ani imaryem ienimo, eynynâ kydato Deus aitobyry nhegatuhomoem. Agâ ise târâ onro anaym pymâem awylymo — kely igâkymo.

Ilâpygueduo kaynonro modo, onro anano modo, ondano modo, paikano modo warâ igâkymo kâindadyly. Warâ keankâ aguelymo tygâkymoem: — Koendâ mawyly wâgâ xina aguely. Pymâ Deus wâgâ, Kordeiru wâgâ warâ xina aguely. Tynrenseim, koendonro warâ âmaemo! Iwâkuru, ton-honreim warâ âmaemo. Âdylâ aiese ton-honre âmaemo. Aunloenlâ ise arâ mawylymo. Arâpa mitaymba ise âmaemo — kely keankâ igâkymo.

Aituo keankâ akaemo agaityom tynrenseim modo ewy yam aguely: — Tuogunrepa ikâ. Egâ mâkâ, Judá domodo ewy, pymâ Davi iwerypyry leão ara ton-honreim mâkâ. Deus iduery eon-honru idânârâ sainwâm mâkâ. Mâkâ lelâ ise pape sakâjihobyry etyim, ituwyngueim, itainrim warâ — kely keankâ.