Popular Bible Verses from Apocalipse 11

Share

Ilâpygueduo keankâ anju sete ieto tytrombetary indyly. Deus eydâ ato donro modo ewy aguely kâindadyly. Ago kehoem keankâ aguelymo: — Deus Kywymâry ton-honreim kuru! Idânârâ kurâdo iwymâry ise merâ! Ingonotyby Messias pymâem ise lâpylâ! Typygueba ise pymâem awyly! — kelymo.

Toenzepa âduery modo agâ iewiâkymo. Naintai mawânrâ inakanhe aitomobyry wâgâ âsenagazedomoem amânheto iweâma. Naintai mawânrâ idânârâ iguewâtyby modo âdara iedyly awyly wâgâ amygueho. Naintai mawânrâ imary modoram koendonro mâunduho, âtaumbyry egatuwâni modoram. Naintai mawânrâ âynynonro modoram koendonro mâunduho, idânârâ âinwânnipyry modoram, âdy modoram, âdy keba modoram alelâ. Naintai lâpylâ idânârâ kânagazenibyry modo, kyârimpyry modo warâ mâenagazedo — kelymo Deusram.

Azagâ uguondo igonose urâ. Ywâgâ aguewâni modo ise akaemo. Tyxiuneingue ise etyumo. Tâdâsenagazedo inepa saindyly awyly xutuho ise mârâ. Azagâ tokalâ, tuotagueze warâ anu ara lelâ ise ytaumbyry egatuze awylymo — kely.

Azagâ tokalâ, tuotagueze warâ iguampygueduo, Deus ÂBU nhedyly enatarymodâ akaemo tâmary modo. Aituo kurâem itondylymo. Kurâem itondybyem saudylymo. Idânârâ mârâ etaynrimbyry modo toenzepa lelâlâ keankâ âseanedylymo.

Eon-honrumo nâduduo adyesenry modo anhetomoem, Deus itaumbyry nhegatulymo ara kopâ nihugueba itoem adyenehonzemo azagâ tokalâ, tuotagueze warâ anu ara. Paru tâjiunuem tyesemo. Xirâ anano modo inakanhe kehoem nhenagazenehon-homoem aguehoymbyem ise akaemo. Idânârâ xirâ modo adyesemo lelâ ize tatobyry ara kehoem.

Akaemo azagâ uguondo modo Deus itaumbyry egatuim, Deus idânârâ kurâdo iwymâry enado XYDYK warâmo keankâ, ohondybymoem Deus xurâem tâsewanihoem. Azagâ se oliveira, azagâ candelabru warâ saguhoem iweâpalâ Zacarias inwenibylâ, akaemo azagâ uguondo modo Deus emary lâpylâ akaemo. Deus itaumbyry egatuim modo enagazeze kelymo-ro watay, tytayba peto sameze akaemo Deus itaumbyry aguewâni modo, tuduerymo tyain-homoem. Warâ ise tânagazeze keypy modo nhainlymo.