Popular Bible Verses from ሮመ 16

Share

ሳሮተ ጾሳይ ሴጻና ህንተ ገድያፐ ጋርሳና ሃከና ማታ ዎደ ጋጫና። ኑ ጎዳ የሱስ ክርስቶሳ አ ኬካተይ ህንተንቱና ግዶ።

ታናዳን አማንያዋንቶ፥ አሳ ግዶን ሻኮተ መያዋንታ፥ አሳ አማኖ ቦ ግድያዋንታነ ህንተ ታማሬዳ ትምርትያና ጋከተናዋ ታማርስያዋንታ አኬካናዳን፥ ታን ህንተንታ ዎሳይ። ኡንቱንቱኮ ሺቆፕተ።

አያዉ ጎፐ፥ ሄዋ ማላባ ኦያዋንቱ ባረንቱ ኡሎ ኦኖፐ አትን፥ ኑ ጎዳ የሱስ ክርስቶሳዉ ኦክኖ፤ ባረንቱ ላብያ ሃሳያንነ ቅያን ኢታባ ቆፐና አሳ ዎዛና ባለኖ።

ኑን ጾሳ ጋላቴቶ። ታን ዎንጋላ ባጋና የሱስ ክርስቶሳባ ኦዴዳዋዳንነ ዳሮ ዎድያፐ ጌሚደ፥ ሀእ ቆንጬዳ ቱማተዳን፥ ህንተ አማኑዋን ህንተንታ ጾሳይ ምንሳናዉ ዳንዳዬ። ሽን ሀእ ናባቱ ጻፌዳዋ ባጋና ቱማተይ ቆንጭያን ኤረታናዳን ኦዳ፤ ቃይ አሳ ኡባይ ጾሳ አማኒደ አዛዘታናዳን፥ መና ጾሳ አዛዙዋን፥ ሀ አላምያን ደእያ አሳ ዘረ ኡባዉ ቆንጬዳ። አዳ ኤራተይ አ ጻላላዉ ደእያ እት ጾሳዉ የሱስ ክርስቶሳ ባጋና መናዉ ቦንቹ ግዶ። አመንእ።