Popular Bible Verses from ዛረዋ 28

Share

“መና ጎዳዉ፥ ነ ጾሳዉ፥ ፖሎ አዛዘቶፐ፥ ሀች ታን ነዉ እምያ አዛዙዋ ኡባ ሎይደ ካሎፐ፥ መና ጎዳይ ነ ጾሳይ ጋድያን ደእያ ካዉተቱዋ ኡባፐ ኔና ቁ ቁ ኦና።

መና ጎዳዉ፥ ነ ጾሳዉ፥ ኔን አዛዘቶፐ፥ ሀዋፐ ካሊደ ደእያ አንጁ ኡባይ ነዋ ግዳናዋ።

መና ጎዳይ ኔና ሁጰ ከሳናፐ አትና፥ ጉየ ዱፈ ከሰና። ሀቼ ታን ነዉ እምያ፥ መና ጎዳ ነ ጾሳ አዛዙዋ ስሳደ፥ ሄዋ ሎይደ ካሎፐ፥ ኔን ቦላ ግዳናፐ አትና፥ ጋርሳ ግዳካ።

“ነ ኩሽያ ኦሱዋ ኡባ አንጃናዉነ፥ መና ጎዳይ ነ ቢታዉ እራ ዎድያን ቡክሳናዉ ባረ ምንጃ ጎልያ፥ ሳሉዋ ፐንግያ ነዉ ዶያና፤ ቃይ ኔን ዳሮ ካዉተቶ ታልአናፐ አትና፥ ኦፐነ ሃ ታልአካ።

“ነ ቦላን ደንድያ ነ ሞርከቱዋ መና ጎዳይ ነ ስንን ጾነቴዳዋንታ ኦና። ኡንቱንቱ ነ ቦላ እት ኦግያና ያና፤ ሽን ላፑን ኦግያና ነ ስንፐ ባቃቲደ ያና።

“መና ጎዳይ ነ ኩሺ ኦይቄዳዋ ኡባነ ነ ድይያ አንጃና፤ መና ጎዳይ ነ ጾሳይ ነዉ እ እምያ ጋድያን ኔና አንጃና።

ኔን ገላደካ ከሳደካ አንጀቴዳዋ ግዳና።

“ኔን ካታማን አንጀቴዳዋ ግዳናዋ፤ ጋጻርያንካ አንጀቴዳዋ ግዳናዋ።

ነ ኡሉዋ አይፊ፥ ነ ሾይቃ አይፊ፥ ነ መህያ ማራቱነ ነ ዶርሳነ ነ ዴሻ ዉድያ ማራቱ፥ ጮራቲደ አንጀቴዳዋንታ ግዳና።

“ኔን መና ጎዳ ነ ጾሳ አዛዙዋ ናጎፐነ አ ኦግያን ሀመቶፐ፥ እ ነዉ ካሰ ጫቄዳዋዳን፥ መና ጎዳይ ኔና ባረዉ ዱማቴዳ ጌሻ ጋደ ኦደ ኤሳና።

ነ ካ ቁንአይነ ነ ሙናቃ ከሪ አንጀቴዳዋንታ ግዳናዋ።

መና ጎዳይ ነዉ እማናዉ ካሰ ነ ማይዛ አዋቶ ጫቄዳ ሄ ጋድያን፥ ነ ኡሉዋ አይፍያ፥ ነ መህያ አይፍያነ፥ ነ ሾይቃ አይፍያ ዳርሲደ ኔና አንጃና።

ሄዋፐ ጉይያን፥ ጋድያን ደእያ አሳይ ኡባይ መና ጎዳ ሱንይ ኔናን ጼገቴዳዋ በኢደ ያያና።

ታን ነዉ ሀች እሜዳ አዛዙዋፐ ሀድርሳነ ኡሸቻ ጋደ፥ ሀራ ጾሳቱዋ ካሎፓነ ኡንቱንቶ ኦፓ።

“ሽን ኔን መና ጎዳ ነ ጾሳ ቃላዉ አዛዘተናን እጻደ፥ ሀች ታን ኔና አዛዝያ ዎጋነ አዛዙዋ ኡባ ናገናን አጎፐ፥ ሀዋፐ ካሊደ ደእያ ሸቃቱ ኡባይ ነ ቦላ ያናነ ኔና ኡንቱንቱ ደማና።