Popular Bible Verses from 2 ካታቱዋ 5

Share

ሶርያ ካትያ ኦላ ጋዳዉ ንእማነ ባረ ጎዳን ዳሮፐ ዶሰቴዳነ ቦንቼቴዳ አሳ። አያዉ ጎፐ፥ አ ባጋና መና ጎዳይ ሶርያ ኦላንቻቶ ጾኑዋ እሜዳ። ንእማነ ቶራዉ ቃራ አሳ፤ ግዶፐነ ዎልቃማ ኦሉዋ ሀርጊ አ ኦይቂ ኡቴዳ።

ኤልሳእ አኮ አሳ ኪቲደ፥ “ባ፥ ዮርዳኖሳ ሻፋን ላፑ ገደ ሙከታ፤ ነ ሀርግያፐ ኔን ፓጻናነ ጌያናነ” ያጊደ አዛዜዳ።

ያትና እ ዱገ ዎደ፥ ጾሳ ብታኒ አዉ ኦዴዳዋዳን ዮርዳኖሳ ሻፋን ላፑ ገደ ሙከቲደ ጌዬዳ። አ ቦላይ ቄር ናኣ ቦላዳን ሀኒደ ፓጼዳ፤ ጌዬዳ።

ሽን ንእማነ ሀንቀት ደንዲደ፥ “በእተ፥ ታን፥ ቱሙካ እ ታኮ ይ ኤቂደ፥ መና ጎዳ ባረ ጾሳ ሱን ጼሲደ፥ ቃይ ባረ ኩሽያ ሄ ጸለቁዋ ቦላን ቃደ፥ ታና ሀ ዎልቃማ ኦሉዋ ሀርግያፐ ፓ ያጋደ ቆፓድ።

አ ካልያዋንቱ አኮ ሺቂደ፥ “ኑ አዎ፥ ትምቢትያ ኦድያዌ ኔን ግታባ ኦናዳን ነዉ ኦድንቶ፥ ዎን ኔን ኦኪየ? ያትና እ ኔና፥ ‘ባደ ሙከታደ ጌያ’ ያጌዳባይ አያ ዴጺ?” ያጌድኖ።

ሄ ናታ ባረ ጎዳቶ፥ “ታ ጎዳይ ሳማርያን ደእያ ትምቢትያ ኦድያዋና ጋከቴዳባ ግዴረኔ! ያትንቶ እ አ ፓና ሽን” ያጋዱ።