Popular Bible Verses from 1 ካታቱዋ 19

Share

ቢታ ጋጻፐ ስምና ታማይ ከሴዳ፤ ሽን መና ጎዳይ ታማ ግዱዋን ባዋ። ታማፐ ስምና ሳሱከይ ስሰቴዳ።

ባረካ እት ጋላሳ ኦግያ ዎራን ሀመቴዳ። ቢደ እት ሳንካራ ኩዋን ኡቲደ፥ “አቤት መና ጎዳዉ፥ ታዉ ግዳናዋ፤ ታን ታ ማይዛ አዎቱዋፐ ኬክከ። ታ ሸምፑዋ አካ” ያጊደ ሀይቃናዉ ዎሴዳ።

መና ጎዳይ አ፥ “ሄዋፐ ከሳ ባደ፥ ደርያ ሁጲያን ታ ስንን ኤአ” ያጌዳ። ኤላስ ኤቂደእሽን መና ጎዳይ አ ማታና አዳ። ሄ ዎደ ምኖ ዎልቃማ ጫርኩ ደርያ ጳልቀሬዳ፤ ዛላቱዋካ ክንቼሬዳ፤ ሽን መና ጎዳይ ሄ ጫርኩዋ ግዶን ባዋ። ጫርኩዋፐ ስምና ቢታይ ቃጼዳ፤ ሽን መና ጎዳይ ሄ ቢታ ጋጻንካ ባዋ።

ኤላስ ሄ ሳሱከ ስሴዳ ዎደ፥ ባረ ዴሙዋ ካባን ካሜዳ። ያቲደ ካረ ከሲደ ጎንጎሉዋ ፐንግያን ኤቄዳ። ኤላሳኮ ኮሻይ ዪደ፥ “ኤላሳ፥ ሀዋን አይ ኦይ?” ያጌዳ።

ሄ ሳኣን ደእያ ጎንጎሉዋ ግዶ ገሊደ አቄዳ። መና ጎዳይ አ፥ “ኤላሳ፤ ሀዋን አይ ኦይ?” ያጌዳ።

ኤላስ ደንዲደ ሜዳነ ኡሼዳነ። ሄ እ ሜዳ ቁማ ዎልቃን ጾሳ ደርያ ሲና ጋካናዉ፥ ኦይታሙ ጋላሳነ ኦይታሙ ቃማ ሀመቴዳ።

ሄዋፐ ጉይያን ሳንካራ ኩዋን ዛቁሊደ ገምእሼዳ፤ እት ኪታንቻይ አ ቦቺደ፥ “ደንዳደ ማ” ያጌዳ።

መና ጎዳ ኪታንቻይ ላኤንዋ ዪደ ኤላሳ ቦቺደ፥ “ኔን ባና ኦጊ ዳሮ አዱሳ ግድያ ድራዉ፥ ደንዳደ ማ” ያጌዳ።

ኤላስ፥ “ኡባፐ ዎልቃማ መና ጎዳዉ ጾሳዉ ታን ዳሮፐ ምሸታድ። አያዉ ጎፐ፥ እስራኤልያ አሳይ ኔናና ጫቀቴዳ ጫቁዋ መንዳ፤ ነዉ ያርሽያ ሳኣካ ክንቼዳ፤ ነ ሱንን ትምቢትያ ኦድያዋንታካ ማሻን ዎዳ። ያትና፥ ታን ታረካ አታድ፤ ሀእ ኡንቱንቱ ታ ሸምፑዋካ አካናዉ ኮይኖ” ያጌዳ።

እ ጼልያ ዎደ፥ ሆኦ ሹቻ ምሹዋን ኡከቴዳ ኮምፖ ኡክይነ ኦቱዋ ሃይ አ ሁጲሳን ደእያዋ በኤዳ። ሚደ ኡሼዳነ፤ ያቲደ ጉየ ግሴዳ።

ኤልዛቤላ፥ “ኔን ሄ ትምቢትያ ኦድያዋንታ ኦዳዋዳን፥ ዎንት ሀኖደ ታን ኔና ኦና ዮፐ፥ ጾሳቱ ታና ዎና” ያጋደ ኤላሳዉ ኪታዱ።

ባኣላዉ ጉልባትቤና ዎይ ባረንቱ ዶናን ባኣላ ኤቃ የርቤና ላፑን ሻአ አሳ ታን እስራኤልያን ታዉ አሻና” ያጌዳ።

ኤላስ ሄ ሳፐ ደንድ ቢደ፥ ሻፋጻ ናአይ ኤልሳእ ታማነ ላኡ ዋ ቦራን ጋድያ ጎሽያዋ ደሜዳ፤ ታማነ ላኤን ዋ ኤልሳእ ባረ ሁጲያዉ ኦይቂደ ጎሼ። ኤላስ አ ማታና አደ፥ ባረ ካባ አ ማይዜዳ።

ሄዋ ድራዉ፥ ኤልሳእ አጊደ ጉየ ስሚደ ዋ ቦራቱዋ ሹኬዳ፤ ቦራ ሚሻ ጳልቂ ኤደ አሹዋ ዶይሴዳ፤ አሹዋ አና አሳይ ሜዳ። ሄዋፐ ጉይያን ደንድ ቢደ፥ ኤላሳዉ ኦዳ።

ኤልሳእ ቦራቱዋ የግ አግ፥ ኤላሳ ጌዱዋ ዎጺደ፥ “ታን ታ አዉዋነ ታ ዳዮ ሳሩዋን ጋደ፥ የራ አካደ፥ ሄዋፐ ስማደ፥ ኔና ካላና” ያጌዳ። ኤላስ ኤልሳአ፥ “ባ። ታን ነዉ አይ ኦድታ?” ያጌዳ።