Popular Bible Verses from Filp'isiyosa 2

Share

Anjjiree ammagamaddeen kakkalee ibaaddo isinkko karooraro aani tootaa kuwaarre, isi geelatano goorttun, «Inkko kakkalee ayyoya kagira» amaa laɂo kallayikki galata helayiin koonna aroofeltteen. Metemetekisinii kakkaleetun laɂo kasisiro shaada kuwaarre, isiɂoottisin oolaalun laɂo kasisiro arooddeeten.

Kiristoosa Yesuusaa tagitte hasse k'ofa, isin dolleenna hagirtte.

Usu yadaliittessaa Waa laa giraan, Waa laanokkeessa usukko kasaamamero aani yelate lakkotootatero; Ayesuun goɂameen diyyii aani leere, middi taɂibaaddo malee alatere, isiɂootteessa halaal yelate. Ibaaddo lee emetere, isiɂootteessa hussisate, taa gooron, hassuwana masik'alii gutii taa gooron kaɂajajaame lee.

Taɂidan feɂitteessa maraan Waa ajajaamano isinuun sisaa, halchchakkeessa feloo hayisiin isin orroo felara.

Haanssun Waa aaloo t'ok'k'ise; mege dubbakko karoore mege usuun sise. Hikkina daruurnna ul, ulkkona hegelle, gilb dubba mege kayesuusaan goggogilbbisironya, Erreb dubba Waa odoon kabaja sisin, Yesuusa Kiristoosa Goottaa laano goggoɂatotiroonya.

Maamisikki kookona hagumiguminoonna hadogamooni fela; Hittina tawoc'ac'c'aantte tameellan alattaan orroo mullanna tuffi kallayinɂi, omuc'c'intteen yiis kawaa liidden, barraajja aani alami dubbaan goggohank'ayitawunya.

Haanssun, ogeelaataro oottee! Arggetto oɂajajaamattaan goggolleetettan malee, giddana ani isin dollee giraan kaalaa anlleennon giraan, suurewa gidda ani kakkoginnon goorata abssiinna harɂaanoyi fayyinnakkisinun felayeen