Popular Bible Verses from गलातिऔ 5

Share

पर परमेसर को आत्‍मा को फल पियार, खुसी, सान्‍ति, सबर, दया, भलाई, बिसवासजोग, नमर सौभाब और खुद के ऊपर काबू रखनो। और ऐंसी बातौं के खिलाप मै कोई नियम ना है।

पर मैं तुमसै जौ कैबै हौं कै, अगर तुम परमेसर की आत्‍मा के हिसाब सै चलौगे तौ तुम अपने सरीर की बुरी इच्‍छा कै पूरी ना करौगे।

कैसेकै जब हम पबित्‍तर आत्‍मा दुआरा जिन्‍दे हैं, तौ जैसो आत्‍मा बोलै है, हम बैसोई करैं।

और जो लोग मसी ईसु के हैं, उनौनै अपने सरीर कै गहरी इच्‍छा और बुरी इच्‍छा के संग कुरूस मै चढ़ा दओ है।

सरीर दुआरा जो बी काम होवै हैं बे सामने हैं, बैबिचार, गंदे काम, सरम आनै बारे काम, मूरती पूजा, जादू-टोना, दुसमनी, लड़ाई, जरन, घुस्सा, मतलबी सोच, फूट, बिरोद, चिड़नो, दारूबाज, रंगरलियाँ, और इनके हाँई और बी भौस्से काम हैं। इन बातौं के बारे मै तुमकै मैं पैलेई सै चौकस कर देवौ हौं जैसो मैंनै पैले बी कैई ही कै, जो लोग ऐंसी बात करै हैं बे परमेसर के राज के बारिस ना हौंगे।

ओ भईयौ और बहनौ, परमेसर नै तुमकै आजाद रैहनै के ताँई बुलाओ है, पर ऐंसो ना होए कै तुमरी आजादी सरीर के बुरे कामौ की ओर होए। पर पियार सै एक दूसरे की सेवा करौ।

कैसेकै सरीर की इच्‍छा आत्‍मा के बिरोद मै है, और आत्‍मा की इच्‍छा सरीर के बिरोद मै है। जे दौनौ आपस मै बिरोदी हैं। इसताँई कै जो तुम कन्‍नो चाँहौ हौ, बाकै ना कर पावौ हौ।

कैसेकै सिगरे नियम को निचोड़ सिरप एकई बात मै छिपो है कै, “जैसो तू खुद सै पियार करै है, बैसोई दूसरौं सै बी पियार रख।”

ना हम घमंडी बनैं और ना एक दूसरे कै चिड़ाऐ और नाई आपस मै जरन रक्‍खैं।

मसी नै हमकै आजाद कर दओ है, जिस्सै हम आजादी पांऐ। इसताँई बिसवास मै पक्‍के रौह और तुम फिर सै गुलामी मै ना दबिओ।