Popular Bible Verses from यूहन्ना 19

Share

जब ईसु बौ सिरका पी लई, और कही, “पूरो भौ!” और अपनो मूड़ झुकाए कै अपनी जान छोड़ दई।

जाके बाद ईसु जौ जानकै कि अब सब कछु पूरो हुई चुको; इसलै कि पवित्र सास्त्र मैं जो कहो गौ बौ पूरो होबै फिर कही, “मैं प्यासो हौं।”

ईसु अपनी अईय्या और बौ चेला कै जोसे बौ प्यार करत रहै झोने ठाड़े भै देखकै अपनी अईय्या से कही, “जौ तेरो लौड़ा है।” फिर बौ चेला से कही, “जौ तेरी अईय्या है।” और बहे समय से बौ चेला, बाकै अपने घरै रहन ताहीं लैगौ।

फिरौंकी बे जब ईसु के झोने आयकै देखीं कि बौ मर चुको है, तौ बाकी टाँग कै नाय तोड़ीं। लेकिन सिपईय्यन मैं से एक जनी बाकै बरछी से पुसरिया मैं छेद दई, और बामै से तुरंत खून और पानी निकरो।

काहैकि जे बात जहे ताहीं भईं कि पवित्र सास्त्र की बात पूरी होबै, “और बाकी कोई हड्डी तोड़ी नाय जागी।” फिर एक और सास्त्र जौ कहथै, “जोकै बे छेदी रहैं, बाके घाँईं देखंगे।”

ईसु अपनो क्रूस उठाएकै बौ जघा ले दुआरे गौ, जो “खोपड़ी कि जघा” कहो जाथै, इब्रानी मैं जाकै “गुलगुता” कहो जाथै।

सिपईय्या कांटेदार झाड़िन की हँगईय्यन कै मोड़कै कांटे को मुकुट बाके मुड़िया मैं पहनाईं, और बाकै बैंगनी रंग के लत्ता पहनाईं