Popular Bible Verses from उत्पत्ति 6

Share

और प्रभु पृथ्वी मैं इंसान कै बनाएकै बड़ा पछतानो। बौ अपने मन मैं भौत दुखी भौ।

जब प्रभु देखी, कि पृथ्वी मैं सब रहन बारे लोग कित्ते दुस्ट हैं, और उनके मन बिचार हर समय बुराई के घाँईंये रहथै

लेकिन प्रभु को कृपा नूह के ऊपर रहै।

जौ कहानी नूह के परिवार की है, नूह एक धर्मी आदमी रहै और बौ अपने समय मैं इकल्लो निर्दोस रहै। और बौ हर समय परमेस्वर के संग - सोवत मैं रहत रहै।

प्रभु कही, “मैं इंसान कै पालतू जानवरन कै नेंगन बारे, और आसमान के पक्छियन कै मिटाए दुंगो, काहैकि मोकै जौ बात को दुख कि मैं उनकै बनाओ हौं।”

जब इंसानी जाति पूरी दुनिया मैं फैल गई रहै, और उनकी लौड़िया भी जनम लेत रहैं, तौ कुछ परमेस्वर के लौड़ा, इंसान की लौड़ियन कै देखीं कि बे सुगड़ है। फिर प्रभु कही, “मेरी आत्मा इंसान के भीतर हमेसा के ताहीं बास ना करंगो; काहैकि इंसान एक मात्र सरीर है। अब से बे एक सौ बीस साल से जाधे जिंदगी ना जींगे।” बे दिनन मैं पृथ्वी मैं दानव रहैं, बे तहुँओं रहैं, जब परमेस्वर के लौड़ा इंसान की लौड़ियन के झोने गै तौ उनके जरिये जो बालका पैदा भै, बे पुराने जमाने के सक्तिसाली और सुप्रसिद्ध वीर रहैं।

नूह ऐसोई करी। बौ परमेस्वर की आग्या के हिसाब से सब कछु करी।

परमेस्वर नूह से कही मैं सब प्राड़िन कै नास कर दुंगो और पृथ्वी इंसान से भ्रस्ट हुई चुकी है। निस्चय मैं पृथ्वी और बे लोगन सुंदा नास कर दुँगो।

तैं गोपेर पेंड़ की अच्छी कठिया से अपने ताहीं एक बड़ी नईंय्याँ बना; जामैं कमरा बना और जाके अंदर-बाहर कोलतार को लेप लगइये।

परमेस्वर पृथ्वी ऊपर नजर डारी और पाई कि सब दुस्टता से भर गै हैं काहैकि सब लोग दुस्टता की जिंदगी जीत रहैं।

सब जिंदे प्राड़िन मैं से दुई-दुई, एक नर और एक मादा कै अपने संग जहाज मैं ले जा, ताकी बे तेरे संग जिंदे रहमैं।