Popular Bible Verses from उत्पत्ति 45

Share

अब तुम निरास मत होबौ, और ना खुद कै दोसी ठहराबौ, काहैकि तुम मोकै हिंयाँ बेंच डारे। जौ सच्ची बात है कि परमेस्वर मोकै तुमरे झोने तुमरी ज्यान बचान के ताहीं पनार दई।

तौ बाकई मै तुम जो नाय रहौ जो मोकै हिंयाँ पनारे, बल्कि परमेस्वर है। बौ मोकै राजा को सबसे ऊँचे पद मै को अधिकारी बनाए दई है। बौ मोकै पूरे देस को चाल-चलता सौंप दई है; मैं पूरे मिस्र को सासक हौं।

परमेस्वर मोकै जौ अदभुत तरीका से तुम्हैं बचान और जौ तय करन के ताहीं तुमरे अग्गु भेजो कि तुम और तुमरे बंसज पृथ्वी मैं जिन्दे रहमैं और उनकी रक्छा करी जाबै।

तौ यूसुफ उनसे कही, “महरबानी करकै मेरे झोने आबौ।” फिर बे बाके झोने आए, और फिर बौ उनसे कही, मैं तुमरो भईय्या यूसुफ हौं, जोकै तुम मिस्र मैं आनबारे ब्यापारियन कै बेंच दै रहौ।

जौ देस मै सूखा को सिरफ दुसरो साल है; पाँच साल और होन के बाद बामैं ना तौ हर से जुताई होगी और ना ही फसल काटी जागी।

यूसुफ अपने भईय्यन से कही, “मैं यूसुफ हौं। मेरो दऊवा का हबै भी जिन्दो है?” लेकिन जब बाके भईय्या जौ सुनी, तौ बे इत्तो घबड़ाए गै कि बाको जबाब भी नाय दे पाईं।