Popular Bible Verses from उत्पत्ति 27

Share

परमेस्वर तोए स्वर्ग से ओस देबै और तेरे खेत कै खूब उपजाऊ बनाबै! बौ तोकै खूबै अन्न और अंगूर की फसल देबै! जाति-जाति के लोग तेरे दास बनै, और देस-देस के लोग तेरे अग्गु झुकैं। तू अपने सब भईय्यन को स्वामी बनै, और तेरी अईय्या के वंस तेरे अग्गु झुकैं। जो तोकै स्राप देमैं बे स्रापित होमैं, और जो तोकै आसीर्वाद देथैं, बे आसीस पामैं।”

एसाव कही, “बाको नाओं याकूब ठीकै रखो गौ रहै। बौ दुई बार मोकै धोखा दई है। पहले तौ मेरो जेठो लौड़ा हो को अधिकार लै लई, और अब मेरो आसीर्वाद भी छीन लई। एसाव पूँछी, का तैं मेरे ताहीं कोई आसीर्वाद नाय बचाएकै रखो है?”

तौ इसहाक बासे कही, “तेरे ताहीं स्वर्ग से ओस नाय है, तेरे ताहीं उपजाऊ खेत नाय है, तैं अपनी तलवार के बल से जिंदो रहेगो, लेकिन अपने भईय्या को दास बनो रहेगो। फिर भी जब तू खिलाफत करथै, तौ तैं बाके काबू से दूर ही जागो।”

एसाव अपने दऊवा से विनती करत रहो: “मेरे दऊवा, का तेरे झोने सिरफ एकै आसीर्वाद है? मोकै भी आसीर्वाद दे!” बौ फूट-फूट कै रोन लागो।