Popular Bible Verses from ፍልጲስዮሳ 2

Share

አንጅሬ አማጋማዴን ካካለ እባዶ እስንኮ ካሮራሮ ኣን ቶታ ኳሬ፥ እስ ጌላታኖ ጎርቱን፥ “እንኮ ካካለ አዮያ ካግራ” አማ ላኦ ካላይክ ጋላታ ሄላይን ኮና አሮፈልቴን። መተመተክስኒ ካካለቱን ላኦ ካስስሮ ሻዳ ኳሬ፥ እስኦትስን ኦላሉን ላኦ ካስስሮ አሮዴተን።

ክርስቶሳ የሱሳ ታግቴ ሀሴ ቆፋ፥ እስን ዶሌና ሀግርተ።

ኡሱ ያዳሊተሳ ዋ ላ ግራን፥ ዋ ላኖኬሳ ኡሱኮ ካሳማመሮ ኣን የላተ ላኮቶታተሮ፤ አየሱን ጎአመን ድይ ኣን ሌረ፥ ምዲ ታእባዶ ማለ አላተረ፥ እስኦቴሳ ሀላል የላተ። እባዶ ሌ ኤመተረ፥ እስኦቴሳ ሁስሳተ፥ ታ ጎሮን፥ ሀሱዋና ማስቃሊ ጉት ታ ጎሮን ካአጃጃመ ሌ።

ታኢዳን ፈኢቴሳ ማራን ዋ አጃጃማኖ እስኑን ስሳ፥ ሀልቻኬሳ ፈሎ ሀይሲን እስን ኦሮ ፈላራ።

ሃንሱን ዋ ኣሎ ጦቂሰ፤ መገ ዱባኮ ካሮረ መገ ኡሱን ስሰ። ህክና ዳሩርና ኡል፥ ኡልኮና ሄገሌ፥ ግልብ ዱባ መገ ካየሱሳን ጎጎግልቢስሮንያ፥ ኤሬብ ዱባ ዋ ኦዶን ካባጃ ስስን፥ የሱሳ ክርስቶሳ ጎታ ላኖ ጎጎአቶትሮንያ።

ማምስክ ኮኮና ሀጉምጉምኖና ሀዶጋሞን ፈላ፤ ህትና ታዎጫጫንተ ታሜላን አላታን ኦሮ ሙላና ቱፍ ካላይኒዕ፥ ኦሙጭንቴን ይስ ካዋ ሊዴን፥ ባራጃ ኣን አላም ዱባን ጎጎሀንቃይታዉንያ።

ሃንሱን፥ ኦጌላታሮ ኦቴ! አርጌቶ ኦአጃጃማታን ጎጎሌተታን ማለ፥ ግዳና አን እስን ዶሌ ግራን ካላ አንሌኖን ግራን፥ ሱረዋ ግዳ አን ካኮግኖን ጎራታ አብሲና ሀርኣኖይ ፋይናክስኑን ፈላዬን፤