Popular Bible Verses from याकूब 3

Share

पर अंऊ ज्ञान परमेश्वरो दोरच़ी अपा दुह मुण्डारिंङ ता पवित्र शवाह, दंङ मिलनसार, नेकी ए रूठे स्वभाव, दया, दंङ रूठे कमरंङ साते पिंङषा दंङ ईमानदार ए कपट मेह शवाह।

केहतु बिचंङ ज्ञानवान ए समझदार अरि तोह? अगर केरे तोतोंई ता, केतिंङ दि रूठे जीवन श्रींङमी रंङ साबित लेह जूंशी तोह दंङ भत्ते नम्रता रंङ साते अंऊ केहतु ज्ञान बुद्धि रंङ साते अपा रूठे कमो दोरच़ी साबित लेह जूंशी तोह।

दंङ अंऊ मेल, मिलाप लहज़ा तोतोर दोरे शांति ऊ बैएजा एपोर दंङ धर्मिकता ओ फसल ट्रिकपोर।

झांह लेह अंऊर जलन ए, स्वार्थ शवाह दोर्तिंङ झगड़ा ए भत्ते पाहठी ऊ कुकम ला शवाह।

लेह रंङ साते ए हेनर बाह परमेश्वरो स्तुति लहज़ातंई; दंङ दि लेह रंङ साते ए मीहतिंङ शाप रंड्रातंई, अंऊ परमेश्वरो स्वरूपारिंङ बणाषी तोतोर। इच्च़ा आहच़ि धन्यवाद ए शाप झुल्ला हुंच़ा तोर। हे गिऊ प्यारे साथी विशवासी रे, झांह ठ्रोह शुहबी मेस।

ध्वांए लेह ला इच्च़ा मेहू ठ्रोह शुह; दंङ हेंदु फुको दुह हिस्सा शुह अंऊ महस मांजी शुहचे तोह। दंङ भत्ते फुकारिंङ कलंक लगाके च़रच़ा, दंङ भत्ते ज़िंदगी नाश लेह च़रच़ा, दि दुह मेहू ठ्रोह तोह अंऊ नरकंङ ज़ि अपा।

पर लेह बि मीहतु बिचंङ अच़िला वशा रिंङ लेह मरपोर; दुह इच्च़ा झांह ठ्रोह बुराई शुह अंऊ अपेहल रुमज़ी ए माह, दि महस खराब तोह, इच्च़ा बिषरंङ साते पिंङषी ओमड्रो ठ्रोह।

हे गिऊ प्यारे साथी विशवासी रे, केहतु बिचंङ महस मीहरे कलीसिया रिंङ उपदेशक था बणेक्तुंई, छना कुचे केहच़ी ञेंच़ातंई, कि हेनर उपदेशको ऊई ला सख्ती रंङ साते न्याय शोतो।