Popular Bible Verses from याकूब 1

Share

हे गिऊ प्यारे साथी विशवासी रे, अपेहल केहतु टोहकठे महसे पाहठी मुसीबत अपतो, दोहपल दिबी महसे खुशी ओ गप्पा समझेक्तुंई। छना कुचे केहच़ी ञेंहच़ातंई कि केहतु विशवास परखेक्सा योतो, दोहपल केहतु धीरज़ बणेक्पोतो।

अगर केहतु बिचंङ अतिंङ बुद्धि ऊ कमी तोह, दंङ परमेश्वरो दोरच़ी पेट्रोंई, अच़ि बिना गलती मेह भत्ते तिंङ भरपूरी रंङ साते रंड्रा, दंङ परमेश्वरे केतिंङ ला रमतो।

हे गिऊ प्यारे साथी विशवासी रे, दि गप्पा केहच़ी ञेंई च़रतुंई; हर इच्च़ा मीह रेड्रीमी थल्जी तेयार दंङ कुट्री ए रोहष सूले शुहबी जूंस।

केतिंङ हर इच्च़ा मुसीबत रिंङ धीरज़ रंङ साते बंङज़ी सिखेक्सी जूंशी तोह, ताकि केरे आत्मिक जीवन रिंङ सिद्ध शुहचे योंई, दंङ केतिंङ अंऊ ला रूठे गुणो कमी माह शोतो।

सिर्फ परमेश्वरो बचनो रेड्रा केतिंङ धोखा थारांई; केतिंङ दुह लेह जुंशी तोह अंऊ परमेश्वरे कुट्रा।

धन्य शुह दुह मीह, अंऊ परीक्षारिंङ खड़े बंङज़ा, अपेहल दुह परीक्षा दोरच़ी पार शुहचे यवाह दंङ दोबि इच्च़ा ईनाम खोकसोतो। अंऊ अनंत जीवनो दुह मुकुट तोह अपि रंड्रीमी वाईदा परमेश्वरे एनोह दाह लहज़ा तंङ साते लहसी ततो।

छना कुचे हर इच्च़ा रूठे वरदान दंङ हर इच्च़ा रूठे दान परमेश्वरो दोरच़ी खोकसा, अच़ि सर्गंङ भत्ते छंङी तिंङ बणाएक्तो। परमेश्वर हमेशा इच्च़ा ठ्रोह तोह दंङ दुह सिलमो ठ्रोह लेहक्सा माह।

छना कुचे अरिला बचन रेड्रा शोतो, दंङ दोऊ भाषे लहज़ा माह शोतो, दंङ दुह, दुह मीहू बराबर तोह अंऊ एनोह असली मोह्द अर्शिरिंङ खंड्रा। दुह ऐनाबि खंड्रा अच़ा य्वात, दंङ दोथर ए पेहषा य्वात कि दुह छना ठ्रोह तोहई।

हेंदु बाह परमेश्वरो कछंङ रूठे ए निर्मल भक्ति दि तोह, कि याह मेह बाह मेह ए रंणीतु झगड़ारिंङ दोतु सुधि लेहप्तुंई, दंङ केनातिंङ संसारो दोरच़ी निष्कलंक तंही।

अपेहल ला अतुआ परीक्षा शोतो, दंङ दोई दि कुट्री माह जूंस, कि गिऊ परीक्षा परमेश्वरो दोरच़ी शवाह; छना कुचे मदम गप्पा रिंङ परमेश्वरो छल्ले लेना-देना माह दंङ माह ए दोई एनेह अरिया परीक्षा रिंङ केह्चे तरच़ी। मीहरे एनोह ए मदम हिटी रंङ साते गलत लेह जुंज़ातोर, दंङ परीक्षारिंङ फसेक्पातोर।

दोरे विशवासीरे अंऊ गरीब तोतोर दोतिंङ खुश शुहबी जूंस छना कुचे दोरे परमेश्वरो थल्जी खास तोतोर।