Popular Bible Verses from रोमी 16

Share

शान्तिको परमेश्वर शैतानके नाश करदेबैगो और बोके तुमर अधिनमे करदेबैगो। हमर प्रभु येशू ख्रीष्टको अनुग्रह तुमर सँग रहातए रहाबए।

अब हे मेरे ददाभइयओ, मए तुमसे बिन्ती करत हओं, कि बे आदमी जो लडाइ करबात हएं, और जो आदमीनके गलत बातमे बिश्वास कारनके लागत हएं जो तुमर सिखो भओ शिक्षाके बिरुद्धमे हए, उनसे साबधान रहाओ, और उनसे दुर रहाओ।

काहेकी अइसे आदमी हमर प्रभु येशू ख्रीष्टके नाए हएं पर अपने सरीरिक इच्छाके ताहीं सेवा करत हएं। और मिठी-मिठो शब्द और अच्छी बात करके निर्दोष आदमीनके धोखा देत हएं। अइसियए बे निर्दोष आदमीनके धोखा देत हएं।

अब उनके, जौन तुमके मिर परचार करन बारो अच्छो समाचार और येशू ख्रीष्टके बारेमे परचार करे अनुसार तुमके बिश्वासमे मजबुत करन सिकैगो, बो रहस्यको प्रकाश बमोजिम, जो युग-युगसे गुप्तमे रहए। पर अब अनन्तको परमेश्वरको आज्ञाके अनुसार अगमबक्ताके लिखेभए पबित्र-शास्त्र द्वारा प्रकट करोगओ हए और परचार करोगओ हए जा हेतुसे, कि सबए जाति बिश्वास करएं और आज्ञापालन करएं। और सर्वज्ञानी परमेश्वरके, येशू ख्रीष्टद्वारा सदादीन महिमा होत रहाबए। आमेन।