Popular Bible Verses from रोमी 12

Share

और जा संसारके आदमीन कता मतबनओ; पर अपनो मनके पुरा परिबर्तनके द्वारा तुमर चालचलन फिर बदलओ, जोसे तुम परमेश्वरको असल, ग्रहणयोग्य और सिद्ध इच्छा का हए बो तुम पता लगान सिकओ।

तभीमारे ए मेरे ददाभइयओ, हमर ताहीं परमेश्वरको बडो कृपाके कारण मए तुमसे बिन्ती करत हओं, कि तुमर आत्मिक उपासनाके रुममे अपने जीबनके पबित्र और परमेश्वरको मनको बलिदान चढाओ; जहे तुमर परमेश्वरको सेवा करनके सच्चो तरिका हए।

तुमर ठिन जो आसरा हए बोमे तुमके खुसी होन चाहो, दुखमे धैर्य करओ, और लगातार प्राथना करतए रहाओ।

खराबीसे मत् जितओ पर खराबीके भलाइसे जितओ।

एकए परिवारके सदस्यके रुपमे एकदुस्रेसे प्रेम करओ; अपनेसे जद्धा औरेनके आदर करओ।

दुस्रेन्से प्रेम करनको दिखावा नाए करन पणत हए, खराब बातके घृणा करओ; जो अच्छो हए, बोके लगातार करतए रहाओ।

हुइ सिकत हए कहेसे सबके सँग शान्तिमे मिल्के बैठओ।

हे मेरे प्यारे ददाभइयओ, कभी फिर कोइसे बदला मत् लियओ पर तुमर ताहीं बदला लेनको मौका परमेश्वरके देओ, काहेकी पबित्र-शास्त्रमे प्रभु कहात हए, “बदला लेनको काम मिर हए, महीँ बदला लेमंगो।”

कडी मेहेनत करओ और अल्छी मतबनओ, पुरे दिलसे परमेश्वरको सेवा करओ।

मोके दओगओ अनुग्रहसे तुम मैसे सबके मए बिन्ती करत हओं, जौनके अपनएके जैसो सम्झन्के हए बोसे जद्धा बडो मतसमझओ; पर परमेश्वर तुमके जित्का बिश्वास दइहए बहे कता अपनएके सम्झओ।

कोइके खराबीको बदला खराब मत् करओ। जौन बात सब आदमीनको नजरमे ठिक हए, बिनमे ध्यान देओ।

एक-दुसरेन्को उत्नुए ध्यान देओ जित्ना तुम अपनएके ध्यान करत हओ, घमण्ड मत् करओ, पर नम्र बारेनके सँगत करओ और अपनी नजरमे जनैया मतहोबओ।

पर तुम पबित्र-शास्त्रमे लिखो अनुसार करओ जोमे लिखो हए, “अगर तुमर दुस्मन भुखो हए तओ बोके खानु खाबओ। अगर प्यासो हए, तओ पानी पिइबाओ। काहेकी अइसियए कर्नेसे तुम बोके लज्जित करदेबैगे”

और तुमके सतान बारेनके सराप नाए, बल्कि आशिर्बाद देओ। आनन्द करन बारेनके सँग आनन्द करओ। रोन बारेनके सँग रोबओ।

प्रभु येशू ख्रीष्टके पबित्र आदमीनके जो कुछ जरुरत हए बोमे उनके मदत करओ, घरमे आएभए पहुनन्को सेवा सत्कार करनमे लागे रहाओ।

काहेकी जैसे हमर शरीरमे बहुतसे अंग हएं, पर सब अंगके फरक-फरक काम होत हए। उइसीयए, हम फिर जो ख्रीष्टमे बिश्वासी हएं, हम सबए ख्रीष्टके शरीरके अंग हएं, और हम सबए एकदुस्रेसे जुडे भए हएं।