Popular Bible Verses from याकूब 3

Share

पर जो ज्ञान परमेश्वरसे आतहए, बो त पहिले पबित्र होतहए; फिर शान्ति देन बारो, कोमल, सुधो, कृपापूर्ण, और अच्छो फलसे भरो भओ, बिना भेदभाबको और बिना कपटको होतहए।

तुम मैसे बुद्धिमान और समझदार कौन हए? अगर तुम हओ कहेसे, तुम अपनो असल चालचलनसे और बुद्धिसे आन बारो नम्रताको काम करके दिखान पणो।

और जो मेलमिलाप करन बारे हएं, बे शान्तिके बीज बोमंगे और धार्मिकताकी फसल काटंगे।

जहेमारेकी जहाँ जलन करन बारे और स्वार्थी होत हएं, हुवाँ अशान्ति और हर मेलके दुष्ट बात होत हएं।

जहे जिभसे हम प्रभु और दौवा परमेश्वरको स्तुति करत हएं, और जहे जिभसे परमेश्वरको रुपमे सृष्टि करेभए आदमीनके सराप देत हएं। एकए मुँहुँसे आशिष और सराप दुनौ निकरत हएं। हे मेरे बिश्वासी ददाभइयओ, अइसो नाए होन पणो।

जिभ एक आगी हानी हए, जा शरीरको बो भाग हए, जो बहुत दुष्ट हए, और जा एक आदमीको पुरो शरीर नाश करदेत हए, जा नरककी आगीसे लैके हमर पुरो जिन्दगिमे आगी लगाए देतहए।

पर जिभके कोइ आदमी फिर अधिनमे नाए करपाइहए। जिभ दुष्ट, तहा नाए लगन बारो और एक साँपको बिष कता बहुत हानिकारक होतहए।

हे मेरे बिश्वासी ददाभइयओ, तुम मैसे बहुत जनै परमेश्वरको बचनसे सन्देश देन बारे मतबनओ। काहेकी तुम जानतहओ, कि दुस्रेनके तुलनामे हमर न्याय बहुत कर्रो होबैगो।