Popular Bible Verses from روما 6

Share

اشكو تيغراد ن‑دّنوب لموت ا‑ستّ‑يگان، والاينّي تيكّي ن‑ربّي تگا تودرت ءيدومن ف‑وودم لّماسيح ياسوع سيديتنّغ.

ءور‑را‑كُن‑نرون دّنوب اشكو ءور‑تگيم غويلّي‑ف‑يلّا شّرع، والاينّي تگام غويلّي‑ف‑تلّا لحنانت ن‑ربّي.

نتياومضال ديدس س‑ودوم لّي‑يرواسن ءي‑لموت باش ا‑ندّر س‑تودرت لّجديد، غمكلّي‑د‑ينكر نتّان زغ‑لموت س‑تحكيمت ن‑ربّي باباس.

ا‑ور‑تاكّام ءيگزمان ن‑دّات‑نّون زوند ءيروكوتن لّخُشانت اد‑سكارن دّنوب. والاينّي فكات ءيخفاون‑نّون ءي‑ربّي زوند غويلّي نكرنين زغ‑لموت س‑تودرت لّجديد، تفكم ءيگزمان‑نّون ءي‑ربّي زوند ءيروكوتن ن‑وفولكي.

نسّن مايد‑اغ‑يجران. ءيمّوت زغ‑گينّغ بنادم اقديم لّي‑ستّين‑نكّا نگا‑ت. ءيمّوت د‑لماسيح ف‑وگّجدي باش ا‑تيتّي لقوّا ن‑دّنوب زغ‑وول‑نّغ ا‑ور‑سول‑نگ ءيسمگان ءي‑دّنوب.

غمكاد ا‑كُن‑د‑يقّان ءولا كونّي ا‑تگم ءيخف‑نّون د‑ويلّي مّوتنين ءي‑دّنوب تدّرم ءي‑ربّي ف‑سّيبت ن‑ما‑تگام وين لماسيح ياسوع.

ما‑را‑نيني ف‑ماياد؟ ءيس‑ا‑نزايد غ‑دّنوب باش ا‑تّيگات لحنانت ن‑ربّي؟ ءوهو، ءورد غمكان ا‑را‑نسكار. اشكو نكُّني نمّوت ءي‑دّنوب. مامنك ا‑را‑نيري ا‑سول‑گيسن‑نزايد؟

اشكو تسّنم ماياد: ءيغ‑تفكام ءيخف‑نّون ءي‑كرا ن‑يان ا‑تسكارم ما‑يرا، توورّيم تگام ءيسمگان ءي‑والّي مي تسكارم س‑واوال‑نس. ءيغ‑ا‑تسكارم دّنوب راد‑اون‑تيلي لموت، والاينّي ءيغ‑ا‑تسكارم ما‑يرا ربّي راد‑اون‑ييلي‑وفولكي لّي‑س‑يرضا.

ءيمّا غيلاد ءيلّا فلّانّغ ا‑باهرا‑نتالغ ربّي، اشكو كونّي لّي‑ستّين‑يكّان تگام ءيسمگان ن‑دّنوب، هاتي توورّيم ار‑تسكارم س‑نّييت ن‑وول‑نّون س‑تنباضين ن‑ولمّود لّي‑مي‑تسفلدم. ءيفسي‑اون ربّي زغ‑يسكراف ن‑دّنوب ايلّيغ توورّيم تگام ءيسمگان ن‑ربّي ار‑تسكارم س‑ما‑ت‑يرضان.