Popular Bible Verses from گالاطيّا 6

Share

ا‑ور‑نترماي غ‑وفولكي‑اد نسكار، اشكو را‑نمگر صّابت غ‑وزمز‑نس ءيغ‑ور‑نهروصّي.

ءيلّا فلّانّغ ا‑نسكار افولكي غ‑كولّو مدّن غاكود نّا‑نوفا، س‑وگُّار غ‑ايتماتنّغ لّي‑ومنّين س‑لماسيح.

تمعاوانات ءي‑نگراتون غ‑اينّا فلّاون ءيژّاين. غمكاد ا‑س‑را‑تسّافاوم لوصيت لّماسيح.

اد‑ور‑تجلوم ءيخف‑نّون. ءور‑يژضار يان ا‑ستّ‑يزّري ف‑ربّي.

امود نّا‑ن‑تلوحم، نتّان ا‑را‑تمگرم. يان ءيسكارن س‑ما‑يتّيري‑وول ن‑بنادم، زغ‑وول‑نس ا‑زغ‑را‑يمگر لموت. ءيمّا يان ءيسكارن س‑ما‑يتّيري رّوح لقودوس، زغ‑رّوح ا‑زغ‑را‑يمگر تودرت ءيدومن.

واي‑ايتما، ءيغ‑ن‑توفام كرا ن‑يان ءيضر غ‑ما‑يُخشنّ، ءيلّا فلّاون كونّي لّي‑غ‑تلّا لغلّت ن‑رّوح لقودوس ا‑ديدس‑تساولم س‑لحنانت ترارم‑ت س‑وغاراس. والاينّي اويات‑ستّ غ‑يخف‑نّون، ا‑ور‑تضرم ءولا كونّي.

والاينّي ءيغ‑يلّا ما‑يغالن ءيس‑يگا كرا، هاتي ءيسّكاركس ف‑يخف‑نس، اشكو ءور‑يگي يات. ءيلّا ف‑كود يان ا‑يسوينگيم غ‑ما‑يسكار باش ا‑يژر ءيس‑يفولكي نغد ءوهو. ءيغ‑يفولكي راد‑اس‑ييلي ما‑س‑ا‑يتفراح د‑يخف‑نس بلا‑دا‑يتمناد غ‑ماد‑سكارن وييّاض. اشكو كود يان را‑ياسي ما‑ت‑يد‑يوشكان.