Popular Bible Verses from 2 كورينتوس 9

Share

ربّي ءيژضار ا‑كُن‑يبارك س‑تميخار‑نس گّوتنين باش اد‑اون‑ييلي كولّو ما‑تحتاجّام، ييلي‑اون‑داغ ما‑س‑ا‑تّعاوانم غ‑كولّو ما‑يگان افولكي.

ءيلّا ف‑كود يان ا‑يسكر مايلّي ءيقصاد غ‑يخف‑نس. ا‑ور‑يفك س‑بزّز نغد ف‑وودم ن‑وييّاض. اشكو ءيعزّا دار ربّي وانّا ياكّان س‑لفرح.

اشكو وانّا‑ن‑يلوحن امود ءيدروسن، ءيدروس ما‑را‑يمگر. ءيمّا وانّا‑ن‑يلوحن امود ءيگّوتن، ءيگّوت ما‑را‑يمگر.

ربّي لّي‑ياكّان امود ءي‑والّي ءيكّرزن ار‑اس‑يتزاياد اغروم ما‑يشتّا، نتّان ا‑راد‑اون‑يفك امود ءيزايد‑اون ما‑يگّوتن، ءيسكر‑اون تامگرا ءيفولكين زغ‑لحنانت‑نّون. راد‑اون‑يسّيگات لخير باش ا‑بدّا‑دارون‑ييلي ما‑تاكّام ءي‑وييّاض. غمكان ا‑ف‑را‑تي‑تشكارن مدّن گّوتنين ف‑ماد‑اسن‑تّازنم ف‑وفوس‑نّغ.

ءيمّا غيلاد، ا‑باهرا‑نشكر ربّي لّي‑اغ‑د‑يفكان ما‑يوگُرن كولّو ءيسوينگيمن ن‑بنادم.