Popular Bible Verses from 2 كورينتوس 1

Share

ار‑باهرا‑نتالغ ربّي باباس ن‑سيديتنّغ ياسوع لماسيح، ءيگا باباتنّغ ءيحنّان لّي‑بدّا‑يسّفجّيجن ءول‑نّغ. ار‑اغ‑يتعاوان غ‑كولّو تانوكموت لّي‑فلّانّغ‑يزراين، باش ا‑نيژضار ا‑نتعاوان وييّاض غ‑تنوكموت نّا‑غ‑لّان، س‑لمعاونت لّي‑س‑اغ‑يتعاوان ربّي.

ءونشك لّي‑باهرا‑نكّات تامّارا ف‑يسم لّماسيح، ا‑ياغ‑باهرا‑يسّفجّيج ربّي غ‑تامونت لّماسيح.

نيني لموت ايد‑اغ‑د‑يقّانّ. والاينّي يودجا‑ياغ ربّي ا‑نزّري تانوكموت‑ان باش ا‑ور‑ييلي رّجا‑نّغ غ‑يخف‑نّغ والاينّي غ‑ربّي لّي‑يسّنكارن غويلّي مّوتنين.

هاتي ربّي اد‑اغ‑يزّگان نكُّني ديدون غ‑تامونت لّماسيح، ءيژلي‑اغ كولّو، ءيمل‑اغ ءيس‑نگا وينس، ءيگ رّوح‑نس غ‑وول‑نّغ باش ا‑يگ تاماتارت ن‑يس‑را‑يسّافو كولّو مايلّي‑س‑اغ‑ينّا.

ف‑سّيبت‑نّون ا‑ف‑ا‑نزراي غ‑تنوكموت‑اد باش ا‑تّفجّيجم تنجمّ، د‑سّيبت‑نّون ا‑ف‑ا‑نتفجّيج باش اد‑داغ‑تّفجّيجم تدوسم ا‑تصبرم ءي‑تمّارا زوند تامّارا‑ياد غ‑نلّا نكُّني.