Popular Bible Verses from 1 كورينتوس 9

Share

كولّو وانّا ءيتازّالن ار‑يسّدوس ءيخف‑نس. ار‑ت‑يسّدوس باش ا‑يامژ كرا لّكاس لّي‑ور‑را‑يدوم. ءيمّا نكُّني ار‑نسّدوس ءيخفاون‑نّغ باش ا‑نامژ لكاس لّي‑راد‑بدّا‑يدوم. ءور‑ا‑تازّالغ نكّي بلا لفايتّ ءولا‑دا‑سكارغ توكُّيمت زوند يان ءيكّاتن غير اضو.

والاينّي ار‑سّدوسغ دّات‑ينو ار‑گيس‑تنباضغ، باش ا‑ور‑يّي‑يسّوفغ ربّي غ‑يسيگُّرا نكّي لّي‑ياد‑يتبرّاحن ءي‑وييّاض.

تسّنم ءيس‑يگّوت ما‑يسكارن شالا ن‑تيزّلا والاينّي غير يان ا‑را‑گيسن‑يامژ لكاس. تازّالات غيلاد باش ا‑تامژم لكاس.

گغ ءيخف‑ينو د‑واد ءيضعفن غ‑دار ويلّي ضعفنين، باش اد‑رارغ ءولا غويلّي ضعفنين ءي‑ربّي. غ‑دار كولّو مدّن ار‑توورّيغ گغ زغ‑گيسن باش اد‑افغ مامنك اد‑زگيسن‑جّنجامغ كرا.