Popular Bible Verses from 1 كورينتوس 6

Share

ءيس‑ور‑تسّينم دّات‑نّون ءيس‑تگا تيگمّي تامژلايت، ءيزدغ گيس رّوح لقودوس لّي‑اون‑يفكا ربّي. ءور‑تگيم وين ءيخف‑نّون، اشكو نتّان ا‑كُن‑يسغان، ءيفك فلّاون اتيگ‑نّون. ءيلّا فلّاون غيلاد ا‑تمجّدم ربّي س‑دّات‑نّون.

ءيس‑ور‑تسّينم ماياد؟ ءور‑راد‑كشمن مدّن أُخشنّين س‑تگلديت ن‑ربّي. اد‑ور‑تجلوم ءيخف‑نّون. ءور‑را‑سرس‑يكشم يان ءيتفسادن نغد يان ءيتعبادن ءيلاهات ن‑دّونيت‑اد نغد يان ءيتزنون نغد يان ءيتفسادن د‑يوتمان زوند نتّا نغد يان ءيشتّان وييّاض نغد يان دار ءيعزّا ا‑يتامژ ما‑يگّوتن ءي‑يخف‑نس نغد يان ءيتنوفولن س‑تيسّي نغد يان ءيرگّمن نغد يان ءيتاكُرن.

روولات زغ‑كولّو ما‑يگان لفساد. دّنوب ياضني ءور‑ا‑سّيُخشانّ دّات ن‑بنادم، والاينّي يان ءيتفسادن، هاتي ار‑يسّيُخشان ءولا دّات‑نس.

كرا ن‑مدّن ار‑تّينين: «ءيحلّا داري كرايگاتّ كرا.» والاينّي ءور‑را‑ك‑ينفعا كرايگاتّ كرا. «ءيحلّا داري كرايگاتّ كرا،» والاينّي ءور‑راد‑ادجغ يات ا‑يّي‑يكرس زوند ءيسمگ‑نس.

ربّي ءيسّنكر‑د دّات ن‑سيديتنّغ زغ‑لموت، راد‑اغ‑د‑يسّنكر ءولا نكُّني س‑تحكيمت‑نس ءيتجهّدن.