Popular Bible Verses from युहन्‌ना 14

Share

मे तुहुंंक जीवेन सांती आपीन जाम मारी सांती तुहुंंक आपी जाम, जसा ईनी कळीन माणसे सांती आपे, तसली सांती तुहुंंक नी आप्‌तु; ने तुहुंं तुंद्‌रा जीवेन घुण घाबरायजु ने घुण बीहजु।

ईसु थोमा काजे कह्‌यु, “वाट, छाचली ने जीवात मेत छे। मारेन्‌चां नी आवे ती तीनाक भगवान बासेन्‌चां नी जावाये।”

“तुंद्‌रु जीव घाबरायणु नी चाहजे। भगवान पर भुरसु करु, ने मारे पर बी भुरसु करु।”

बाकुन चु सात देण्‌यु चुखली-आत्‌मा तीनाक भगवान बास मार नाव सी मकेलसे चु तुहुंंक आखी वात सीकाड़से ने ज काय बी मे तुहुंंक कह्‌लु छे, च आखो हेर कराड़से।”

“तींद्‌रे भीणी मारी हुकुम छे, चु मारी हुकुम जाणे ने तीनुक पाळे, ने चु मारसी परम राखे, तीनाक मारु बास बी परम राख्‌से ने तीनाक मे बी परम करीस ने मे आपसा काजे तेरे अगळ उजेंतु करीस।”

ने मे बास सी दुवा करीस ने चु तुंद्‌रेन्‌चां मारी आवजी पर एक दीसरु सात देण्‌यु मकलसे चु जलम तुंद्‌रे पुठ्‌ये रवसे। मतलब छाचली जीव-आत्‌मा काजे मकलसे। तुहुंं ते तीनाक जाणु, काहाकी चु तुंद्‌रे साते रहे बाकुन आवणे वाळा दाहड़ाम चु तुंद्‌रेत मां रवसे। बाकुन भगवानेन काम रुकण्‌या कळीन माणसे छाचली जीव-आत्‌मा काजे आपसा जीव वाटे जागु नी आपे काहाकी चे तीनाक देख्‌या बी नी ने उळखे बी नी।

ने तुहुंं ज काय मारे नावे भगवान बास सी दुवा करीन मांग्‌सु, च काम मे करीस तेरेसी पुर्‌यान सी मतलब मारे सी भगवान बासेन ईज्‌जत जड़े। तुहुंं ज बी मारे धड़े मार नाव सी दुवा करीन मांग्‌सु च मे काम करीस।

कदी तुहुंं मारे सी परम करसु ती मारा हुकुम काजे बी पाळसु।

मारा भगवान बासेन घर मां रहणे करीन बेसकु जागु छे, कदी नी रहतु ती तुहुंंक पेहलुत कय देतु। मे तुंद्‌रे वाटे घरेन तज्‌बु करने करीन जाणे हींड र्‌यु।

ने मे जाय्‌न तुंद्‌रे वाटे आखो तीयार कर दीस ती तुहुंंक लेणे करीन अळी पछु आवीस। ने तुहुंंक मारेन्‌चां असु करीन ली जायस की जां मे रहो चां तुहुंं बी रहु।

थोमा ईसुक कह्‌यु, “ए मालीक! हामुक ज बी मालुम नी हय की तु कां जाणे हींड र्‌यु ती हामुक चां जाणेन वाट कसा काय जाणसुन?”