Popular Bible Verses from KIEBEXELU 19

Share

Tuxekyeleli, twakali yi kiango, tumutumbisi ; bwalo bwamalwa dibakwa dia Mwana a mukwakwa, yi mukasanci amadilungika.

Yi ku kilamba kienci yi ku kidimba kienci kudiyi yi dina difunda ene, FUMU A BAIFUMU YI YANGABITA A BAYANGABITA.

Yi nakamona diulu diamadipudibwa, yi mona, kabala ka susu, yi you akaxikama kulu kwako akabikidibwa ene, Kibaku, yi Sôsôlwo ; yi amasambola sambo yi amatanda mbita yi nkwami.

Meso anci alexi yi mwanga ă mudilu, yi kulu kwa mucwe ănci kutani bilongo bingi, yi udi yi dina difunda ditasolubukwa muntu mwoso utena yei mikyenci. Yi akalatixibwa kilamba kiamanumeyebwa mu maxi, yi dina dienci diamabikidibwa ene, Diyi dia Ncembi.

Mu musuku ănci mwakabatuka mwele ă kucwa, bixekumayi mabila yinau ; yi unabumba yi kita kia kidimadima ; yi amanyata kinyacilu kia finyo kia bukitu bwa bisusu bia Ncembi Xadai.

Yi Nyama akakwacibwa, yi mudimuxi a mancanga yinanci, akakwenca bilembetelu ku mpala anci, biakadimbayi yinabio bantu bakangata kilembetelu kia Nyama, yi bobo bakaxingila kifwanisa kienci. Bubidi bwabo bakakwelebwa yi môyo mu kiteleñena kia mudilu kiamalumuka yi sulufa.