Popular Bible Verses from उत्पत्ति 32

Share

ओने बोल्यो “तरो नाम अब याकुब नी, पर इस्राएल हुये क्युकि तू परमेश्वर से अरु इन्साहोन से भी युद्ध करी खे प्रबल हुयो हइ.”

तब ओने बोल्यो, “मे खे जान दे, क्युकि सुभह होनआलो हइ.” याकुब ने बोल्यो, “जब तक तू मे खे आशिर्वाद नी देनु, तब तक मी तो खे जान नी दियु.

अरु याकुब खुद अ खेलो र्‍हि गयो; तब कोय इन्सान अय खे पाय फटना तक ओकासे मल्लयुध्य करतो र्‍हियो.

तब याकुब ने यो बोली खे उ जगा को नाम पनीएल रख्यो “परमेश्वर खे आमने-सामने देखना पर भी मरी जान बची गय.”

जब ओने देख्यो कि मि याकुब पर प्रबल नी होतो, तब ओकी जाघ की नस खे छियो; अरु याकुब कि जाघ की नस ओकासे मल्लयुध्द करता ही करता चढ गय.

अरु ओने याकुब से पुछ्यो, तरो नाम का हइ? ओने बोल्यो, याकुब,”

याकुब ने बोल्यो, “मी बिनती करुस हइ मे खे अपनो नाम बता,” ओने बोल्यो, “तू मरो नाम क्यु पूछस हइ?” तब ओने ओ खे वही आशिर्वाद दियो.

तोने जो जो काम अपननी करुणा अरु सच्चाइ से अपना दास का साथ कर्यो हइ, कि मी जो अपनी छडी ही लि खे या यरदन नद्दी का पार उतर आयो, अरु अब मरा दो दल हुय गया हइ, तरा असा कामहोन मे से मि एक खे भी योग्य तो नी हइ.

इस्राएली जो जनवरहोन की जाँघ की जोडनाली जाँघनस खे आज का दिन तक नी खाय, योको कारण यही आय कि उ इन्सान ने याकुब की जाँघ खे जोड मे जाँघनस खे छियो थो.

फिर याकुब ने बोल्यो, “हे यहोवा, हे मरा दादा अब्राहम को परमेश्वर, हे मरा बाप इसहाक को प परमेश्वर, तोने तो मरासे बोल्यो थो कि अपना देश अरु जन्म भूमी मे पल्टी जा, अरु मी तरी भलाइ कर्यु

मरी बिनती सुनी खे मे खे मरा भइ जी एसाव का साथ से बच्यो मी तो ओका से डरुस हइ, बोल्यो असो नी हो कि उ अय खे मे खे अरु माय समेत पोर्याहोन खे भी मारी डाल्ये.