Popular Bible Verses from Roma 1

Share

Akuh aroko mohaan momborita Tarung Pio yoh tului kuasan Mohotara bogawi molalui Tarung Pio cioh ika nyolamat sika dulun co porocaya, portama-tama dulun Yahudi, tapi ka dulun ingkan bangsa bokon.

Awi, ponah Tarung Pio yoh, Mohotara porahan caraeh kolunon lian jarin bujur nyan tohimo-Eh, iyohonon ma porocaya ma Yesus, hintang horoholuh porocaya dapot soropai. Nain antun cotuh co tonulih nyan Surat Borasih: “Kawan dulun co porocaya angar jarin bujur nyan tohimo Mohotara, maka iroh angar ngohaba kobolum co tuu-tuu.”

iyohonon bahawa Are iyohco Mohotara hintang Are bokuasa indan sokotahi-tahieh. Kawan sipat Mohotara yoh aroko lian tonoto ma mata, tapi ingkan dunia tuh tomoncipta, kolunon hegah momaham iyoh molalui kokon aranaang co tomoncipta-Eh. Jadi, kolunon aroko empun alasan ika aroko nyono kawan sipat Mohotara yoh.

Iroh monau tintun Mohotara, tapi iroh aroko mihi hormat ma Are sobagai Mohotara. Iroh mahi aroko bosukur ma-Eh. Malah seen, pikiran doh jarin mohampa. Atoi doh uong lau dapot aroko boraoi paham kojere Mohotara.

Hangki porocaya Mohotara co bujur, iroh porocaya kawan aang co aroko bujur. Iroh nyembah hintang molayan kawan aang co tomoncipta hangki Mohotara co moncipta kokon aranaang yoh. Baya Areboh co sobulih eh tonara sumong kototahieh. Amin!

Tapi ingkan sorga Mohotara mahi porahan angit-Eh ma kokon dulun co bodosa hintang umpi aang co jahat. Awi, kojahatan mohalang kolunon nyono ajaran co buah.

Tului iyoh, Mohotara moholu iroh tonguasa pian kawan kojere betin doh co ceet. Iroh co bawe aroko hokoruh ma bakah isan co wajar, tapi iroh hokoruh ma bawe bokon. Sanioh ka, iroh co bakah aroko hokoruh ma bawe isan co wajar, tapi iroh jere hokoruh ma samah bakah. Kawan bakah umpi alogawi co nyongkohaan ma samah bakah. Jadi, Mohotara maleh iroh ma hukuman sotimpar ma kawan alogawin doh co jahat yoh. Awi iroh aroko nongkomo porulu nyono Mohotara, maka Mohotara moholu pikiran doh jarin rusak. Jadi, iroh nguan kawan aang co aroko pantas.

Iroh mongaku korinah boakar pikir podahar iroh uong. Iroh aroko nyembah Mohotara co bolum sumong kototahieh, tapi nyembah kawan kopatung co tonampa deon tampa kolunon co boraoi matoi, beleu, ocin opat paai, ocin co nyole.