Popular Bible Verses from Epesus 6

Share

Awi, ito kohojat aroh ngolawan kolunon, tapi ngolawan kokon macam kuasan kopindong nyan dunia tuh, ngolawan kokon kawan roh jahat nyan udara.

Ikan sobulih horoholuh botawat ina sika ikan bodoa, ikan lian tomombimbing Roh Mohotara. Ponah kokon macam doa hintang sawot asi ma Mohotara. Aroh umbot bodoa indan kokon dulun co porocaya.

Ikan sobulih hapo kokon capa co ihin Mohotara indam me ina me lian botahan ngolawan kawan roncana co tongompian Lacan Setan ika nipu ito.

Jadi, ikan sobulih hapo kokon capa co ihin Mohotara ina hiah waktu ikan tonyarang pian kuasan jahat, ikan hegah botahan ngolawan iyoh. Hintang ina opah ikan bojuang dapot soropai ngolawan kuasan jahat taiyoh, maka ikan angar tenden tahan borohon.

Ponah kokon koadaan, ikan sobulih tenden borohon porocaya ma Kristus. Iyoh samah isan tolawang co lian hapam me ika micop kokon anak panah apui ingkan Lacan Setan. Hapoboh kosolamat co ihin Mohotara isan tupi umat co nyolindung ikan; hintang norimaboh Antun Mohotara ingkan Roh Mohotara. Antun cioh angar jarin isan padang indamme.

Santuhboh caraeh ikan lian tenden tahan borohon: Hapo boh kosotia ma Mohotara sobagai owot kahang me, hintang kobujur harus sobagai lembon umat me. Hapoboh kosiapan momborita Tarung Pio tintun kongolandah kongolami ingkan Tuhan jarin sopatu me.

Kojekaieh, kawan konduang, ikan sobulih tenden borohon ponah Tuhan, nyan ponah kokuatan kuasai-Eh.

Nyan Surat Borasih oko porentah cotuh: “Hormatboh ma tinam hintang tamam.” Porentah cotuh iyohco porentah portama co tongohomboh ma janji ka. Tuhboh janjieh: “Ina pomolum mu pio hintang ombu umurmu nyan dunia tuh.”

Ma kokon anak akuh mantun: Ikan sobulih nuhit dulun ongkome nyan ponah Tuhan. Iyohboh cara bolum co buah.