Popular Bible Verses from Epesus 1

Share

Akuh bodoa Mohotara mukap atoi me ina me tuu-tuu paham kokon co lian tongoharap me ingkan Mohotara awi Are ocop naah ikan jarin umat-Eh. Akuh bodoa ina me monau korinah kuhat aang co pio hinut co angar Mohotara mihi indam me, sobagai kawan dulun husus Tioh. Akuh bodoa ka ina me monau bahawa kuasai-Eh korinah kahai, iyohonon kuasai-Eh co hapai-Eh indan to co porocaya. Kuasa cioh samah ma kuasa co hapai-Eh ika umpi Kristus bolum hopuli ingkan pompatoi, samah ma kuasa co hapai-Eh ika mihi kodudukan indan Kristus nyan ika co tohormat nyan topit kontoui-Eh nyan sorga. Are umpi Kristus meleh bokuasa hangki kokon kuasa bokon, iyohonon kokon pomimpin, kokon pomorintahan, kokon laca, kokon dulun penting. Kristus meleh bokuasa hangki kokoieh aroh baya makitu nyan dunia tuh, tapi ka indan sokotahi-tahieh.

Awi, sorinai Mohotara moncipta dunia tuh, Are ocop mili ito jarin umat-Eh ponah Kristus. Tujuan-Eh ina to jarin borasih, arelu oko dosa nyan tohimo-Eh. Mohotara mongasihi ito. Jadi, ingkan kosulak, Are mili ito ika jarin kawan anak-Eh tului alokuan Yesus Kristus. Mohotara nguan uras iyoh awi iyoh sosuai ma kojere-Eh hintang ngonjorih atoi-Eh.

Hiah waktu Anak-Eh matoi nyan sompolaki, Are nahur ma daha-Eh ika polampas ito ingkan hukuman dosa. Jadi, nyan ponah Anak-Eh, maka Mohotara mampun dosan to. Mohotara nguan kokon iyoh tului kopion atoi-Eh co korinah kahai.

Topotaraboh Mohotara hintang Tama ingkan Yesus Kristus, Tuhan co bokuasa ma ito. Mohotara ocop mihi indan to kokon aang co pio hinut ingkan sorga ponah Kristus.