Popular Bible Verses from Марк 2

Share

Иисүүс тэрэнииень дуулахадаа: – Элүүр хүндэ эмшэн хэрэггүй, харин үбшэн зондо хэрэгтэй. Би үнэн сэдьхэлтэниие бэшэ, харин нүгэл хэгшэдые нүгэлөө гэмшэхыень дуудахаяа ерээб, – гэжэ хэлэбэ.

Иисүүс тэдэ хүнүүдэй аргагүй ехэ этигэлтэй байһыень харахадаа, саа үбшэнтэндэ хандан: – Хүбүүмни, нүгэлнүүдшни хүлисэгдэбэ, – гэбэ.

Түгэсхэлдэнь Иисүүс тэдэ фарисейнүүдтэ иигэжэ хэлэбэ: – Хүн гээшэмнай субботын тулада бэшэ, харин суббото хүнэй туһада зохёогдоо юм.

Хүн зоной угаа олон байһанһаа боложо, тэрэ үбшэн хүниие Иисүүсэй хажууда асарха арга бэдэрхэ болобо. Тиигээд тэрэ хүнүүд Иисүүсэй байһан газарай тушаа гэрэй хушалта задалжа, нүхэ гаргаад, үбшэн хүниие шэрдэгтэйнь доошонь буулгаба.

Хүн түрэлхитэнэй Хүбүүнэй газар дэлхэй дээрэхи нүгэл шэбэлнүүдые хүлисэхэ эрхэтэй байһые Би таанадта баталан харуулхаб. Тиигээд саа үбшэнтэй хүндэ хандан: – Шамда хэлэнэб, бодоод, дэбисхэрээ абаад, гэртээ хари, – гэбэ.

– Саа үбшэнтэй хүндэ «Нүгэлнүүдшни хүлисэгдэбэ» гэхэдэ бэлэн гү, али «Бодоод, дэбисхэрээ абаад яба» гэжэ хэлэхэдэмни бэлэн гү?

Бүхы хүнүүдэй хараһаар байтар үнөөхи үбшэн хүн бодоод, дэбисхэрээ абаад, гаража ябаба. Улад зон бултадаа айхабтар ехээр гайхалдан: – Бидэ иимэрхүү юумэ нэгэтэшье үзөөгүйбди, – гэлдэн, Бурханиие магтаба.