Popular Bible Verses from ከሳ 10

Share

ሄሳፈ ጉየ፥ ጎዳይ ሙሰኮ፥ “ግብፀ ካዋኮ ባ። ታኒ ሀ ማላታታ ኤንታ ግዶን ኦናዉ ኮያዳ ካዉዋ ዎዛናነ እያ ሞርናታ ዎዛና ሙምሳስ። ታኒ ሄሳ ኦዳይ ታ ማላታታን ዋታዳ ግብፀታ ሴርዳኮ ህንተ ህንተ ናይታስነ ህንተ ናይታ ናይታስ ኦዳና መላ ኮይዳ ግሾሳ። ሄ ዎደ ታኒ ጎዳ ግደይሳ ህንተ ኤራና” ያግስ።

ጎዳይ ሙሰ፥ “ግብፀ ቢታን አስ ኦይክ በእያ ም ማና መላ ነ ኩሽያ ሳሎ ደን” ያግስ። ሙሰይ ባ ኩሽያ ሳሎ ደንስ። ግብፀ ቢታ ኡባን ሄ ጋላስ ኩመ ሳካና ማይ ምስ። ሄ ሄ ጋላሳታን ግብፀት እሶይ እሱዋ በእቦኮና ዎይኮ ኦንካ ባ ሶፐ ከይቤና። ሽን እስራኤለት ደእያ ጌሳመን ፖኦይ ደኤስ።

ሙሰይ ባ ፃምኣ ግብፀ ቢታ ቦላ ደንዳ ዎደ፥ ጎዳይ ዶሎሀ ባጋ ጫርኮ ሄ ቃማነ ጋላስ ኩመ ቢታ ቦላ ጫርክስስ። ዎንትያ ዎደ ሄ ጫርኮይ ቦለ ኤህስ። ቦለይ ግብፀ ቢታ ኡባ ጋክድ ማእስ። ሄሳ መላ ቦለ ጋዶይ ሄ ቢታን ካሰካ ሀንቤና፤ ስንፈካ ሀነና።