Popular Bible Verses from Jakovan kirjeine 3

Share

No ülähänpäi tulii melevuz՚ om ezmäi kaiked puhtaz i pühä. Se om mirun sauvoi i om läm՚ i kožukaz, täuz՚ armahtust da hüvid satusid, se ei erigoita mehid, i ei heitte.

Om-ik teiden keskes ken-ni melekaz i el՚gendai? Ozutagha hän sen hüväl elol – tegoil, kudambad om tehtud laskvas i melevašti.

Mirun sauvojad semendaba mirud i rahnoba tozioiktust.

Sikš ku sigä, kus om must kadeh i ližantaht, om kaikenlašt pahad da segoitust.

Kelel mö kitäm Jumalad da Tatad, i sil-žo mö oigendam Jumalan vihad mehiden päle, kudambad om tehtud Jumalan vuiččikš. Ühtes suspäi lähteba kitändsanad da vihasanad. Muga ei voi olda, velled!

I kel՚-ki om lämoi; meiden hibjas se om kaiken pahan peza. Se paganzoitab kaiken hibjan i sütutab elokezran, a iče om viritanus aduspäi.

no kel՚t niken ei voi kodikoitta. Se om pidätamatoi da paha, täuz՚ surmališt jadud.

Velled, äjile teišpäi ei pidaiži olda opendajin. Tedat ved՚, miše meid, opendajid, suditas surembal sudal.