Popular Bible Verses from Petran toine kirjeine 2

Share

Ka Ižand tedab, kut päzutada manitusišpäi nenid, ked händast varaidaba, a jumalatomid hän pidäb sudanpäivhäsai kovan opendusen varastusiš

Paremba oliži olnu heile, ku hö nikonz ei oliži tedištanuded toden ted, mi oma tedištanuded da käraudanus sel՚gin heile anttud pühäze käsköho. Heile om tehnus muga, kut sanuba muštatišed: «Koir pördase ičeze oksendusele» i «Pestud siga mäneb kül՚bmahas reduhu.»

Hö toivotaba rahvahale valdad, hot՚ iče oma paganan elon sidegiš. Mez՚ om sen valdas, mi om vägestanu händast.

No ku hö oma päznuded valdale mirun pahudespäi meiden Ižandan da Päzutajan Iisusan Hristosan tundemižen täht, a sid՚ möst oma segoinuded nenihe pahusihe i putnuded niiden valdha, ka nügüd՚ heiden olend om völ pahemba, mi ende.

No oli Izrail՚an rahvahan keskes tühjid-ki sanankandajid. Muga teidennoks-ki tuleb tühjid opendajid. Hö peitoiči toba teile värid opendusid, kudambad veba surmaližehe kadondaha. Hö käraudasoiš sel՚gin Ižandaha, ken ičeze veren arvol om ostnu heid. No necil hö teravas saba ičeleze surman.