Popular Bible Verses from Toine kirjeine korinfalaižile 1

Share

Olgha kittud meiden Ižandan Iisusan Hristosan Jumal da Tat, armahtusen Tat da tüništoitusen Jumal! Hän tugedab meid kaikiš ahtištusiš, miše mö-ki hänen tugel voižim tugeda toižid, kudambad oma kaikenlaižiš ahtištusiš.

Ved՚ midä jügedambad oma meiden mokad Hristosan täht, sidä suremb om tugi-ki, kudamban meile om tonu Hristos.

Mö rižim südäimes, miše surmaline sud meile om jo tehtud. Kaik nece tegihe sikš, miše mö em uskoiži ičemoi vägihe, a vaiše Jumalaha, kudamb eskai kollijoid-ki voib eläbzoitta.

A Jumal, kudamb vahvištab meid ühtes teidenke uskondas Voideltud Hristosaha, hän om voidelnu meid-ki. Hän om pannu meile pečatin i andnu ičeze Hengen meiden südäimihe znamaks siš, miše mö olem hänen.

Ku mö olem ahthal aigal, ka se om teile tugeks da päzutandaks i abutab tirpta nenid-žo ahtištusid, kudambid om meil-ki.