Popular Bible Verses from Петӧм 2

Share

Ен кыліс ойзӧмсӧ налысь да уськӧдіс тӧд вылас Ассьыс йитӧдсӧ, мый Сійӧ кӧрталіс Ӧвраамкӧд, Исааккӧд да Яковкӧд. Ен бергӧдіс Ассьыс чужӧмбансӧ Израиль пиянлань.

Уна во коли. Египетса ӧксы куліс. Израиль пиян ойзӧмӧн ойзісны сьӧкыд уджысь. Налӧн горзӧмыс воис Енмӧдз.

Кага быдмыштіс, и мамыс вайӧдіс сійӧс фараон ныв дінӧ, коді босьтіс сійӧс аслыс пи пыдди. Фараон ныв пуктіс сылы Мӧисей ним, шуис, ме пӧ ваысь лэпті сійӧс.

Фараон ныв шуис кагалӧн мамыслы: «Босьт тайӧ кагасӧ да верд сійӧс, а ме мынтыся тэныд». Ань босьтіс кагасӧ, медым вердны-нёньӧдны сійӧс.

Ю дорӧ локтіс фараонлӧн нылыс. Сійӧ кутіс мыссьыны, а сылӧн кесйӧг аньясыс ветлӧдлісны ю пӧлӧнті. Фараон ныв аддзис эжӧр пиысь куд да тшӧктіс кесйӧг аньыслы судзӧдны сійӧс.

Коли кад. Мӧисей верстяммис. Ӧтчыд сійӧ локтіс еврей вокъяс дінӧ да аддзис налысь сьӧкыда уджалӧмсӧ. Мӧисейлы син улас уси, кыдзи египетса морт нӧйтӧ еврейӧс. Мӧисей видзӧдліс, аддзӧ-ӧ кодкӧ сійӧс, и кор гӧгӧрвоис, мый некод оз аддзы, виис египетсаӧс, а шойсӧ лыаӧн тыртіс.