Popular Bible Verses from Филипын оліссезлӧ 2

Share

Нем эдӧ керӧ асьнытӧ мыччалӧм-лэбтӧм могись. Рам сьӧлӧмсянь мӧдікӧс пуктӧ асся вылынжыка. Эд тӧждісьӧ дзир ас йывсиныт, тӧждісьӧ и мӧдіккез йылісь.

Авйӧ да керӧ Кристос Исусыс моз.

Кристосыс быдӧсын вӧлі Еныс кодь, но Енкӧт ӧткодя олӧм бердӧ Сія эз видзсьы. Сія эд быдӧс колис да морт моз чужис, Асьсӧ рабӧдз лэдзис, быдӧсын лоис морт кодь. Асьсӧ Сія лэдзис-раммӧтіс, кывзісис нельки кувтӧдззас, крест вылын кувтӧдз.

Ачыс Еныс эд уджалӧ тіян пытшкын, ӧзйӧтӧ тіянӧс Ас сьӧртӧттяс керны бурсӧ.

Сійӧн и лэбтіс Сійӧ Еныс медвылӧ. Сетіс Сылӧ мӧддэс сьӧрті медбур ним, Исус ним одзын медбы быдыс сувтіс пидзӧс вылас: енӧжас, му вылас да му пыдӧсас. Ен Айсӧ ошкӧм могись ась быд морт висьталӧ: «Кристос Исусыс ─ Дӧсвидзись!»

Быдӧс керӧ норасьтӧг, етшасьтӧг. Сэк тіян сайын оз ло ӧтік умӧль керӧм, и отирыслӧ сэк нем лоас висьтавны тіян йылісь умӧльсӧ. Тійӧ Енлӧн сӧстӧм челядь. Енӧжын югдӧтан кӧдзуввез моз югьялат эстӧн ылалӧм, лэдзчисьӧм отир коласын.

Менам донаэзӧ, тійӧ эд пыр кывзісит. Тійӧ менӧ кывзіситӧ, кӧр ме вӧлі тіянкӧт, а ӧні, кӧр ме абу тіянкӧт, буржыка кывзісят. Сідзкӧ, Енсис полӧмӧн тӧждісьӧ асланыт мезмӧм понда.