Popular Bible Verses from Лука 3

Share

Быдӧс отирыс пыртчӧм коста пыртчис и Исусыс. Сэтӧн Исуслӧн кеймӧм коста енӧжыс оссис. Вежа Лолыс лэдзчисис Сы вылӧ дуді кодь вывтырын. Енӧжсянь кыліс баитан шы: «Тэ Менам дона Зонӧ, олан гажӧ».

Иоаныс быдӧнныслӧ баитіс: «Ме тіянӧс пырта ваӧн. Но локтӧ месся Вынажык. Ме абу туяна морт нельки пӧрччавны Сы кӧмкӧтісь домӧтсӧ. Сія пондас тіянӧс пыртны Вежа Лолӧн да биӧн.

Мыччалӧ керӧммезнаныт Енлань бергӧтчӧмнытӧ. Эд баитӧ аслыныт: миян айным Авраам. Тіянлӧ баита: эна иззэзісь Еныс вермас Авраамыслӧ сувтӧтны челядьсӧ.

Черыс куйлӧ ни пу вуджыс бердын. Быд пусӧ, кӧда оз вай бур воӧмсӧ, кералӧны, чапкӧны биӧ».

Енсянь юӧртісь Исай небӧгын этія йылісь гижӧм сідз: ─ Горӧтісьлӧн шыыс кылӧ кушмуын: «Лӧсьӧтӧ туйсӧ Дӧсвидзисьлӧ, Сы понда туйесӧ веськӧтӧ! Ась быд кырасыс лоас тыртӧм. Быд керӧсыс мысыскӧт лэдзчисясӧ, чукыллес веськаласӧ. Гӧпья туйес волькамасӧ. Сэк быдыс пондас адззыны, кыдз Еныс мездӧтӧ отирсӧ».