Popular Bible Verses from Яков 4

Share

Сідзкӧ, сетчӧ Еныслӧ, а кульыслӧ лэбтісьӧ паныт! Сэк сія пышшас тіян дынісь.

Сибӧтчӧ Еныс дынӧ, и Сія сибӧтчас тіян дынӧ. Умӧльсӧ кериссез, миссьӧтӧ киэзнытӧ! Ылӧтчиссез, сӧстӧмтӧ сьӧлӧммезнытӧ!

Дӧсвидзисьыс одзын асьнытӧ лэдзӧ, раммӧтӧ, сэк Сія лэбтас тіянӧс.

Сылӧн миянлӧ бурсетӧмыс ӧддьӧн уна, сійӧн сідз и Вежа Гижӧтас висьталӧм: ─ Асьнысӧ вылына лэбтіссеслӧ Еныс паныт сувтӧ. Рам сьӧлӧмаэслӧ козьналӧ бурсетӧмсӧ.

Сідзкӧ, кин вежӧртӧ бурсӧ керны, да оз кер, сія умӧльсӧ керись.

Коратӧ, а корӧмныт абу сійӧн, мыля одӧ корӧ, медбы керны бурсӧ. Коратӧ дзир ас пондасиныт, медбы керны асланыт ӧзйӧтчӧм сьӧрті.

Енсӧ колиссез! Одӧ я тӧдӧ, му вылісьыскӧт ёртасьӧмыс ─ Еныс вылӧ лэбтісьӧм. Сідзкӧ, тійӧ кӧ ёртасит му вылісьыскӧт, сэк тійӧ Еныс вылӧ лэбтісит.

Тійӧ сідз баитат, а асьныт одӧ тӧдӧ, мый лоас ашын. Мый тіян оланныт? Сія чочком ру кодь, мыччасьӧ недыр кежӧ, сэсся ӧшӧ.