Popular Bible Verses from Яков 1

Share

Воннэзӧ, ёна гажмӧ, кӧр локтӧ тіян вылӧ быдпӧлӧс сьӧкытыс-ылӧтлӧмыс. Тӧдат эд, веритӧмӧн кӧ мунат сьӧкытӧттяс, сэк велалатӧ видзсьыны ыджыт мылаӧн.

Кинлӧнкӧ тіян коласісь оз кӧ тырмы мывкыдныт, корӧ Еныслісь. Сія сетас. Еныс эд сетӧ ӧмавтӧг быд корисьлӧ.

Сідзкӧ, менам дона воннэзӧ, быд морт ась лоӧ чож кывзыны, жаг висьтавны да лӧгасьны.

Видзсьыны велалӧмыс тіянӧс быд ладорсянь вынсьӧтас. Сэк тійӧ лоат быдсӧн бурӧсь, тіян сайын умӧльыс нем оз ло.

Олӧ сія Кыв сьӧрті. Эд пӧртчӧ дзир Кывсӧ кывзіссезӧ, асьнытӧ бӧбӧтіссезӧ.

Шуда мортыс, кӧда сьӧкытӧттяс-ылӧтанӧттяс мунас да вермас видзсьыны. Сылӧ Еныс сетас козин ─ олан юркытш. Сійӧ Еныс кӧсйӧм сетны Сійӧ радейтіссеслӧ.

Быд бур сетӧмыс, бурся-бур да вына козиныс локтӧ вылісянь. Сійӧ сетӧ югдӧтаннэслӧн Айыс, Кӧда оз вежсьывлы, и Кӧдалӧн югытыс оз пемды.

Кин кывзӧ вайӧм Кывсӧ, а ачыс оз ов сы сьӧрті, сія видзӧтчанын асьсӧ видзӧтісь морт кодь. Сія нёджжаліс асьсӧ, вешшис да сэтӧн жӧ вунӧтіс, кытшӧм сія.

Сӧстӧма, умӧльсӧ кертӧг да Енлӧ юрбитӧмӧн олӧмыс сэтшӧм: отсавны, мыйын колӧ айтӧм-мамтӧммезлӧ, дӧваэзлӧ да отирыс коласын овтӧн асьсӧ видзны сэрпӧсьмӧмись. Сэтшӧм олӧмыс Ен Айным сьӧрті.

Ылӧтаныскӧт пантасьӧм коста эн висьтав: Менӧ Еныс ылӧтӧ. Енсӧ умӧльнас он ылӧт, и Ачыс Сія некинӧс оз ылӧт. Быдыс эд ачыс асьсӧ ылӧтӧ. Мортлӧн ӧзйӧтчӧмыс кыскӧ керны умӧльсӧ.

Умӧля олісь вон ась гажмӧ, Еныс эд сійӧ вылына лэбтӧ.