Popular Bible Verses from 2 Коринфын оліссезлӧ 4

Share

Мийӧ эд видзӧтам тыдавтӧмыс вылӧ. Огӧ видзӧтӧ тыдаланаыс вылӧ. Тыдаланаыс эд мыйкӧ дырна кежӧ, а тыдавтӧмыс ─ пыр кежӧ.

Сійӧн мийӧ огӧ ӧшӧтӧ юрнымӧс. Миян вывтырным кӧть и бырӧ-вынтӧмсялӧ, пытшкным эд лунісь лунӧ вильмӧ. Мийӧ ӧні мымдакӧ пессям-мырсям. Пессьӧм-мырсьӧмным абу сьӧкыт, а вайӧ миянлӧ лыдтӧм пырся ошкӧм-югьялӧм.

Миянӧс быд ладорсянь дзескӧтлӧны, а миянлӧ абу дзескыт. Быдласянь миян вылӧ усьӧ умӧльыс, а мийӧ киэзнымӧс огӧ лэдзӧ. Миянӧс вашӧтлӧны, а Еныс миянӧс оз коль. Кок йылісь уськӧтӧны, а мийӧ огӧ кулӧ.

Мийӧ эд дзир сёйись доззэз. Ас пытшканым видзам сійӧ донася-донасӧ, медбы отирыс адззисӧ: вӧвлытӧм выныс локтӧ Енсянь, сія абу миянсянь.

Нія озӧ веритӧ. Му вылас ыждалісь кульыс нёрӧм нылісь вежӧрнысӧ, медбы нія эзӧ адззӧ Бур Юӧрлісь югдӧтӧмсӧ, кӧда осьтӧ Кристослісь югьялӧмсӧ. Кристосыс эд Асьнас мыччаліс миянлӧ Енсӧ.

Еныс эд тшӧктӧм югйӧвтны пемытінас югытыслӧ. Сія югдӧтіс миянлісь сьӧлӧммезнымӧс, медбы мийӧ Кристос Исус чужӧмын адззим Енлісь югьялӧмсӧ.