Popular Bible Verses from 1 Петра 5

Share

Ассиныт быдӧс тӧждісьӧмнытӧ сетӧ Сы киӧ. Сія и Ачыс эд тӧждісьӧ тіян понда.

Тійӧ ӧні мыйкӧ дырна пессят-мырсят. Но быдӧс бурсетӧмыс локтӧ Енсянь. Сія тіянӧс Кристос Исусыс пыр корис Аслас пырся югьяланінӧ. Ӧні Сія Ачыс керас тіянӧс быдсӧн бурресӧн, лэбтас да вынсьӧтас, велӧтас чорыта видзсьыны.

Олӧ садь юрӧн, пыр лоӧ лӧсьӧтчӧмӧсь. Тіян вылӧ лэбтісисьыс ─ куль. Сія эрзісь лев моз ветлӧтӧ, кошшӧ, кинӧс позьӧ ньылыштны. Кульыслӧ паныт сувтӧ чорыта веритӧмнаныт. Тійӧ эд тӧдат: сэтшӧм пессьӧм-мырсьӧмыс усьӧ и мӧдіклаись воннэзнытлӧ.

Сідзкӧ, асьнытӧ сетӧ Енлӧн вына кипод увтӧ. Аскадӧ Сія тіянӧс лэбтас.

Сідз и томжыккез, кывзісьӧ вичкуас веськӧтліссезнытӧ. Ӧтамӧдныткӧт лӧсялӧ, ӧтамӧднытӧ кывзісьӧ. Асьнытӧ видзӧ рама. Вежа Гижӧтас висьталӧм: ─ Асьнысӧ вылына лэбтіссеслӧ Еныс паныт сувтӧ, а рам сьӧлӧмаэслӧ козьналӧ бурсетӧмсӧ.