Popular Bible Verses from 1 Петра 1

Share

Ошкам Енсӧ, миян Дӧсвидзись Кристос Исуслісь Айсӧ! Еныс Кристоссӧ ловзьӧтіс, сідз Аслас небыт сьӧлӧмсянь козьналіс миянлӧ виль олан. Сійӧн мийӧ олам Сы вылӧ надейтчӧмӧн. Надейтчам босьтны и Еныслісь миянлӧ лӧсьӧтӧм пайсӧ, кӧда сӧстӧм, оз сісьмы да оз рушмы. Сійӧ тіянлӧ видзӧны енӧжас.

Сідзкӧ, гажмӧ, кӧть быдпӧлӧс сьӧкытыс кузя тіянлӧ ӧні и ковсяс невна пессьыны-мырсьыны. Зарнисӧ би пырйӧт нуӧтӧны, медбы вӧлі буржык, а и сія эд бырӧ. А тіян пессьӧм-мырсьӧм коста тӧдмалӧм-видзӧтӧм веритӧмныт лоӧ зарниысся донажык. Кристос Исуслӧн локтан Лунӧ тіянӧс ошкасӧ, бурӧ пуктасӧ, югьялӧмас сюрӧтасӧ.

Тіянӧс Корисьыс ─ вежа. Быд керӧмнаныт мыччалӧ: тійӧ ─ вежаӧсь. Вежа Гижӧтас висьталӧм: «Лоӧ вежаӧсь, Ме эд вежа».

Одзжык тійӧ эдӧ тӧдӧ, мый бур, мый умӧль. Сэк умӧльсӧ керны ӧзйӧтчӧмныт ыждаліс тіян вылын. Ӧні лоӧ кывзісь челядь кодьӧсь, эд керӧ умӧльсӧ одззамоз.

Сідзкӧ, лоӧ лӧсьӧтчӧмӧсь, медбы уджӧтны вежӧрнытӧ да овны садь юрӧн. Пыр олӧ Енлӧн бурсетӧм вылӧ надейтчӧмӧн. Бурсетӧмсӧ тіянлӧ козьналасӧ Кристос Исуслӧн локтан лунӧ.

Вежа Гижӧтыс эд висьталӧ: ─ Быд мортыс турун кодь, мортлӧн басӧкыс ─ турун вылын дзоридз. Туруныс косьмис, дзоридзыс киссис, а Дӧсвидзисьлӧн Кылыс пыр олӧ.