Popular Bible Verses from 1 Иоан 2

Share

Эд радейтӧ му вылісьсӧ да сійӧ, мый эстӧн керсьӧ. Му вылісьсӧ радейтісьыс оз радейт Айсӧ. Му вылас керсьӧмыс: вывтырлӧн ӧзйӧтчӧм, синнэзлӧ колӧм, асьӧс лэбтӧм, нія абу Ен Айсянь, а отирсянь.

Быдӧс, мый эм му вылас, сія ӧшӧ. Ӧшӧны и му вылісь отирлӧн ӧзйӧтчӧммезныс. А Енлӧ колӧм сьӧрті керисьыс олӧ пыр.

Кин баитӧ, ме пӧ Сыкӧт ӧтлааси, мортыслӧ сэк и овны колӧ Кристосыс моз.

Менам челядьӧ! Этӧ гижа тіянлӧ, медбы умӧльсӧ эд керӧ. Но кинкӧ керис кӧ умӧльсӧ, миян эд эм Ен Айным одзын Дорйись ─ Кристос Исус, веськыта Олісь.

Кин баитӧ, ме пӧ Сійӧ тӧда, а ачыс тай оз ов Сы тшӧктӧммез сьӧрті, сія мортыс бӧбӧтчись. Сы пытшкын абу быльыс.

Тӧдам я мийӧ Сійӧ, тӧдчӧ эд. Олам кӧ Сы тшӧктӧммез сьӧрті, сэк Сійӧ тӧдам.

Мортыс асьсӧ пуктӧ югытын олісьӧ, а ачыс воныс вылӧ синӧн оз вермы видзӧтны. Сія сэк ӧнӧдз пемытын олӧ.

Бӧбӧтчисьыс сія, кӧда Исуссӧ оз пукты Кристосӧ ─ кӧсйӧм Мездӧтісьӧ. Сія Кристосыс вылӧ лэбтісьлӧ. Сія Айсӧ да Зонсӧ абутӧм туйӧ пуктӧ.

Кристоссӧ мортыс оз кӧ пукты Ен Зонӧ, сылӧн абу и Ен Айыс. Кристоссӧ Ен Зонӧ пуктісьыслӧн эм и Айыс.