Popular Bible Verses from 1 Коринфын оліссезлӧ 15

Share

Менам дона воннэзӧ, сідзкӧ, ёна сулалӧ, эд вӧрзьӧ. Дугдывтӧг керӧ Дӧсвидзисьлісь уджсӧ. Тӧдӧ, абу весись Дӧсвидзись понда керӧм уджныт.

Буркывтам Енсӧ! Сія сетӧ миянлӧ вермавны Дӧсвидзись Кристос Исусным пыр!

Эд бӧбасьӧ. «Умӧль йӧзкӧт тӧдчӧмыс ылӧтӧ бурас велалӧмсис».

Енлӧн бурсетӧмсянь ме ӧні сэтшӧм, кытшӧмӧн менӧ тӧдат. Сылӧн меным козьналӧм бурсетӧмыс эз вӧв весись. Ме кери мӧдік апостоллэзся унажык. Висьтавны кӧ, ме эг кер ачым. Еныслӧн бурсетӧмыс мекӧт, сія керис.

Кулӧм, кытӧн тэнат чушканыт? Ад! Кытӧн тэнат вермӧмыт? Кулӧмыслӧн чушканыс ─ умӧль керӧм. А умӧль керӧмыс вынсӧ босьтӧ Туйдӧтсис.

Висьтала тіянлӧ тӧдлытӧмсӧ: мийӧ огӧ кулӧ быдӧнным, быдӧнным вежсямӧ. Быдӧс аркмас видзчисьтӧг, синӧн кваркыш он ешты керны. Кӧр букӧстас медбӧрья буксан, сэк кулӧммес чеччасӧ сісьмытӧмӧсь, а мийӧ вежсямӧ.

Кулӧмыс локтіс мортсянь. Сідз и кулӧмись ловзьӧмыс локтіс мортсянь. Кыдз Адамлӧн керӧмсянь быдӧнныс кулӧны, сідз Кристослӧн керӧмсянь быдӧнныс ловзясӧ.

Сісьман-кулан вывтыр вежсяс мӧдік вывтырӧ, кӧда оз кув, оз сісьмы.

Кристослӧ колӧ юравны сэтчӧдз, кытчӧдз Еныс оз пукты паныт лэбтісиссесӧ Сы коккез увтӧ. Медбӧрья паныт лэбтісисьыс ─ кулӧмыс, и сійӧ паздасӧ.