Popular Bible Verses from Loma 6

Share

Zuini daijiashi fugukuni wo. Hudai nenjienshi mai Ezhan Mexiha Ersa i sudoro bisan chanqiku amin wo.

Zui tai gonji dakushi ta guijin doura uwo, nenjien doura wo.

Matan xilii tungo giezhi hhere hhantu fuguzhi hhantu bulawo. Ingiekushi Adai famaghala Mexihai fugusan kun dundase aminne olughasan mutun mataiye shini amin dunda udu daoghane giezho.

Ta beye jieredu yama iyanzii zuide ogizhi gou winide jiaji bu danlagha. Khareidene fugusan kun dundase aminne olusan kun wo giezhi goyane Hudade ogi. Beye jieredulane man Hudade ogizhi gou jiaji danlagha.

Matan khuichen kunne hhere hhantu shizijia jiere ghadazhi zuitu beyene widaghasei mejiene. Ingiese matan pse zuide hoji ulie danlane.

Taye zui miende goyane fugusan sanazhi Mexiha Ersa i tungo giezhi Hudai miende amitu sana.

Ingiese matan matui kieliene? Matan nenjienni olodoghane giezhi zui dunda izhi beinu? Kenjin ulie olune! Matan zui miende fugudene matugie zui dunda udu daone?

Ta goyane kiende ogizhi kienyi shunjise kiende hoji danlakui ta ulie mejienu? Zuini hoji danlase fugune, Hudai shunjichen hoji danlase gouni gholune.

Hudade mafan kielieye, ta melieshida zuini hoji woma, ede tande chonjisan daolini ta zhughesene shunjiwo. Ingiedene zuise tai andaghazhi gounide hoji danlawo.