Popular Bible Verses from Loma 14

Share

Hudai gojiashi ijieku, ochiku pusho, Shenlin ogisan gundan, heqi, bayasuku wo. Mexihani ingiezhi shunjisan kunde Huda bayasune, kunlaye kuaine.

Matan amitushi Ezhande oluzhi amiturazho. Fuguseye Ezhande oluzhi fugune. Ingiese matan amitura, fuguliuzhe Ezhannughun wo.

Ingiese matan heqituzhi nieniene hendaghakui xiacha gieye.

Ingiese matan nieniene bu kielieye. Jiexin xiaizhi gaijiulai melie boujia, banjighaku dunxii bu tei.

Jinwun jiere jilasan mutun, "Ezhan kieliewo, 'Bi goyane aminghala fayen gieye. Soyuji odoula made xiutuliene. Soyuji amanla bishi Huda wo giezhi chenren giene.'" Ingiese matan alinie kunliuzhe Hudai melie goyane shiqinyi jiodai giene.

Xianxin gieku zholientu kunlai ta jienlie. Ijien buxianshi bu jianjindu.

Kunlai hojii kieliezhi chishi kien wo? Hhela olu, ulie olu ezhanyini shiqin wo. Ezhande olughaku nengou wine. Ingiese hhe olu shidane.