Popular Bible Verses from Loma 12

Share

Ene duyani bu dagha. Sumulakune arunzhazhi shinishighadene Hudai gou, bayasuku, onqien isii shiizhi mejie.

Ingiese gaijiula, bi Hudai ubali xiikughala tai goude fenfulaye. Ta beyene amitu mure danlaghazhi Hudade ogi. Intu mureshi Huda xiqi biku wo, zhiguitu wo. Eneshijiu zhenzhenji beiiku wo.

Panjizhi bayasu, kunnan dunda rennai gie, izhi onxian gie.

Goyasene doghunnii bu injigha, gounighala doghunnise inji.

Zhenzhenji orekughala nieniedene ore. Ranjizhi nieniene zunji.

Orekude jianii bu deila. Doghunnii henji, gounii barei.

Tande nengou bise jinlianji jien kunlare heqitu.

Mii orentula, goyane bouchou bu giedene Ezhan hhelai faikui saghei. Jinwun jiere jilasan mutun, "Ezhan kieliezho, 'Bouchoushi bi giekui wo, bi kharulune.'"

Langan bu giedene zhughesene rexinde Ezhanni shunji.

Bi made ogisan nenjienghala ta jien kunlade kielieye, goyane texien undude bu uzhe. Goude sumulazhi Huda tande ghughazhi ogisan xianxin gieku fenlianghala goyane heshide uzhe.

Kiemade doghunnide doghunnii bouchou bu gie, dajiala gou wo giesan shiqinni jinlianji gie.

Nieniedene heqitughan, goyane undude bu uzhezhi bixin kunlare laiwon gie. Goyane jienzha wo bu gie.

Khareidene chii duitou oliesuse ijiegha. Undasuse ochigha. Chi ingiezhi giese shitan khanni hhei qiorun jiere teizho.

Tai heisanlade oluzhi gouni kielie, bu kharadene gouni kielie. Bayasuchen kunlare hhantu bayasu, wilachen kunlare hhantu wila.

Nanxintu shentulade ogi. Bayasuzhi kunlai jienlie.

Matanyi nie beye jiere iyanzi olon biliuzhe zoin buxian mutun matanye olon woma, Mexihai miende nie beye wo. Nienieji beyede lienjizhi buxiantu iyanzi gholuwo.